最近覺得好睇嘅文女主都姓樓

<拜师剑宗后我慌了>

幾好，男主的確情深，女主都的確崩了

前期鍾意女主性格，無論洗七情六慾前後。但到咗海底女主無道徳嘅特點被放大，思維莫名其妙變得冷漠無情。到試煉部分智商明顯被降低。

男配都好好，大師兄鋼鐵直男抵佢單身一世。離場做得好突然。弟弟就係劇情工具人

結局都好突然，唔太好接受，就係強制he

《當沙雕穿成炮灰女配》

其餘兩個男主好可惜，不過都係作者偏好

幾搞笑，後面塵埃落定就冇心情睇了。

就係三個龍傲天共用一個女配(女主)，不過女主記憶錯亂，搞錯三個男主嘅女配劇情，誤打誤撞攻略全部男主。女主非常沙雕，攻略過程部分靠男主腦補，非常想男主們可以搞清真相。

感覺男主們都好有魅力，只係巧合女主失去系統，心裡破防時，一位男主靠最近而產生boki

我都係想後宮or三合一or開放結局
小朋友先會選擇

<御前新赐紫罗裙>

見其他人話甜。。。

但我鍾意唔起男主角，感覺就係仆街強奸犯
女主角逆來順受，也許因為古代背景。描述女主才智過人精明能幹，但女人遲早依附男人，所以男主早食早得手。但我就睇唔落依種強取強寵，嘔心。女主每次拒絕，結果上出感情🤮也許女主心底早就有意，但第一次男女根本冇互通心意，女主甚至係驚到對男主產生殺心意，咁睇落每次都係強奸

而且男主最後利用女主哥哥對女主嘅愧疚，拉攏男配手下，又成功得到女主嘅安全感💩女主啊爺就係利用女主扮成佢哥，又弱智將女主送上男主床，男配有咁嘅豬隊友真係唔輸都難。就係全部人都只有男配冇利用過女主。甚至男主一開始就係唔甘心依種報復心態去注視女主。

差幾張結局都唔想睇去

[综武侠]实力不让我低调

幾好笑，男主係黃藥師

故事係女主渡刧俾天雷劈到武俠世界，帶着本命法器<天道>尋找回去嘅方法。有趣係法器會令持有人氣運異常，所以劇情會出現好多從天而降嘅刀劍祕籍。另外法器會占卜，不過除前兩章外再冇出現過。

後期有啲悶，就係十絕關個度強制終止，男女主轉移到百年後，再自行感悟關鍵點飛升修真界。好似有啲多餘？不過我諗作者可能有其他想寫嘅角色所以特意安排

就係係武俠世界沖浪，男女主之間嘅浪漫都好甜
講到女主好靚，但劇情冇咩描述，男裝異常吸引同姓。性格同其他人互動好有趣，直男嘅反應，不過心思細密。其他人笑稱男主對女主屬於勇士。

<反派又让她翻车了>

完全諗唔到前面霸道高冷嘅男主現實上係個自閉。。

還好吧 有啲邏輯不足
呢排啲小說都好需要耐性。前期自稱小五嘅人工智能真係令人極度煩躁，好彩佢係第一個世界之後冇咩戲份。
人魚個故事極短，由嗰時開始劇情開始急速走過。feel到作者係對依個世界觀冇咩興趣
不過去到最後睇到男主失控、偏執而且躁狂，喺現實上面真係好難接受。但結局係女主角選擇包容男主，我感覺對雙方都係救贖，女主父母煩厭對方但因為面子冇選擇離婚，互雙折磨之餘仲厭棄女主嘅事業。有個為佢愛生愛死説一不二嘅都算幾好吧

<仙侠文女配觉醒后>

好睇，不過要捱過前面一段唔合邏輯極度尷尬嘅時期，到了女主入了師門有個好師傅就好睇起嚟。
好鍾意男主陪女主一齊癲，一齊食迷幻藥仲差啲high到走去自殺，笑死我
以為會愉快走過劇情，竟然俾作者殺個措手不及，師門死絕一個不留個下真係有夠慘
總之就係主角想反抗命運點知命運一直係佢作嘅故事。
真係幾好睇

<穿成耽美文炮灰女配>

好睇，只係前面序述有點亂，轉埸快。
應該要係popo出現嘅文。
作者好似有寫肉，等我努力下

<快穿失敗之後><當炮灰替身的我死後>

都好好睇，冇咩好講
只係前部講到男女主相守幾世，最後一世再冇注定相遇嘅特權。我就覺得好窒息。
比較鍾意後部結局嘅安排，個人對描述來世嘅細節都感到不息(只係個人問題啦

之後對切片文有啲冷感，不過依兩部真心好睇，仲希望可以長啲。

不過未到會想返煲嘅程度🤔好奇怪

電視劇<血族>

前兩季安排好完美，足夠觀眾對所有角色產生感情，不會特別忽略某人。本身因為中學睇過血族第一部小說，所以對電視劇感興趣。這次算係對中學嘅自己有個結局。

有趣我幾乎冇反感某角色，即使大boss。但第三季Zack就不得了，我嘗試為佢平反，但Zack唔係分唔出對錯嘅年齡。他媽都死了，仲想攻擊佢，竟然一而再三害死身邊會保護佢嘅人。最後仲同反派親近。吐血。我鍾意第一季做爸爸好兒子嘅Zack，但叛逆期殺傷力真係太強，竟然令主角團所有努力報廢。

一早做好團滅但世界和平嘅心理準備，但凡主角團一有進展劇情就不會如預期，作為觀眾都有點心累，感覺主角團從未因為絕望而卻步就好勁。

睇到第三季見到Zack加快世界毁滅嘅速度，我就決定直接跳到第四季結局最後一集。醫生咁努力連紀念碑都冇😢

我覺得兩個爺爺年輕時太暖昧。