記一下<女皇攻略>

好睇，全程集中經營管理，只有後半段感情線才明顯。
感覺每次太順利，而且中期開始講笑。比較想睇更多嚴肅嘅劇情，不過整體都算完美。

故事特別於有抽卡元素。女主天生太子。同另一次元有個交易，可以抽出歷史名人來到這時代，總之就係外掛。然而就係太輕鬆，作者文筆唔難寫出熱血激昂嘅感覺，而且有各種歷史人物出現，但每次出征之類表現就非常容易且無力，感覺女主帶一手滿級道具去打新手關卡。

依年好多文風開始轉型為女強，而又唔係瑪麗蘇。

幾鍾意男主性格。女主性格都好好，理性得嚟並非無情，敬愛自己老豆，即使清楚佢性格軟弱唔係個好皇帝。

Gosh 我本身唔接受水仙，但moon knight 令我欣慰同興奮

<职业不兼容，我能怎么办>

女主蠢到令人心煩。我一直幾鍾意依個作者嘅文，但依篇係佢筆下首次出現蠢到我想打人嘅女主

想睇其他人書評，不過一班人針住抄襲係度洗版。由我嚟睇根本唔算抄。人地個篇綜武俠小說，會帶有原文部分係好合理吧，本身故事發展就由原著出發，扲出原著開頭再自創出支線。只不過那邊風氣痴鳩線，首先邏輯已經對唔上，又話人地冇道歉，即使冇睇過篇文嘅人只要一有味道就出嚟狂呼，咬實唔放，真心變態

回到正題，篇文諗頭係幾有趣，不過作者根本冇善用依個設計。女主需要拎住武者嘅裝備扮演好巫師嘅身份，但文中少有描述女主如何通過武功上掩飾自己，反而係遊戲系統自帶功能出現最多，例如通訊=精神魔法、背包=空間魔法，咁一開始嘅武者設定完全可有可無

最後主角性格好唔掂，橫沖直撞包裝成一往無前。靠現代人思想獲得好感，蠢似白蓮🙄

果然，即使冇睇好耐，ironman嘅魅力仍然對我有效❤️

無聲絕境好好睇，但男主角冇必要死啊 阿女兩次無知都害死人。雖然都死得有意思，但我好鍾意爸爸啊

以前嘅柯南電影真係好出色，冇依家嘅柯學物理但劇情足夠令人有刺激嘅感覺。
對比依家的確feel到主角嘅成長，小蘭真係為新一付出咗好多（諗下佢地只係中學生嘅年紀就要拆炸彈，話說我由細過佢地到依家大過佢地 ），而柯南從以前嘅小學雞進化到更成熟穩重，做事都更加細心。
總之柯南到目前都非常完整，不過其他支線就唔洗再補充了
相比大海對面嘅英雄漫畫，各種官方ooc真係睇到身心都痛爛
希望佢可以係世界大戰前完結。

嗯？反派好靚仔
之前嘅電影版都幾好睇啊，果然最新個個只係單純服務fans

但兩個人one for all係咩事？？？結局有啲格眼嚟

英雄學院新電影有點無聊，係想快啲完個種。

打鬥場面係幾刺激，但過程幾乎一樣，就係互相片嚟片去，冇咩特別嘅動作。一炸混亂嘅運鏡，可能係想表現製作團隊嘅能力？
然後又係差一分鐘就爆炸但可以拍成10幾分鐘嘅打鬥。

我寧願多啲時間用嚟鋪排主角嘅故事，我完全唔明新角可以因為主角幾句就被説服，千篇一律嘅“我想幫人、不能放棄、我嘅夢想”老實佢哋對話根本唔連冠，可以話係雞同鴨講（不過男主光環就可以解釋一切，全部都非常合理，主角嘅魅力👍🏿👍🏿

我鍾意第一部電影版多啲

真係嘔心，但凡對網絡上有咩懷疑，只要出現係微博都肯定係鳩up

對22年的自己講聲加油