因為天鴿，全家被困在家不能外出，因為家中兩老都是喜歡外出的人，所以一直等三號風球，一到三號，有巴士了，就外出買東西~~我也被母親大人扯出街去xddd因為逢星期三是aeon的特惠日，母親大人必掃貨，所以一定要去。（終於有一日不用去醫院了，但明天又要去 ）

又一學年，今年出現頗多人事變動，教學助理，老師都有，今年走的一個教學助理（22歲），好乖，好做得野，講野有建設性，又靚女xd而且有自己目標，佢下年會再讀書，去北京大學讀古代文學，好犀利！！！我同同事都祝佢前程似錦！另外走的同事係我地學校的男神（學生封），佢下年會教中學，180身高要屈膝同我地三個15x的姐姐影相，下年仲會升格為人夫，我地都祝佢幸福快樂！！見證唔同人走，感覺好壞參半~~好的同事，做得野嘅都要走，不事生產的就賴死，麻煩！

今日同朋友去東華三院做義工，派糉俾獨居長者。老人家住的地方不是唐樓，就係老人院，一個老人家，勞碌一輩子，親人離去，行動不便，沒人照顧，身體又多病痛，同佢地傾計時佢地都好唏噓，我個心都好up。其實老人家都係想人關心，多啲同佢地傾計，飲下茶就足夠了。其中有個婆婆住五樓，我行上去都扯哂蝦，何況佢日日行，行幾級就抖一抖，仲要每日行廿幾分鐘去食飯，佢仲因為自己撞聾，怕人地覺得佢麻煩，唔敢搵人傾計，嗰一刻見到佢個樣，特別感慨......我地可以做到幾多就幾多，趁有能力！

每次自由行，最興奮就係編行程 ，7月底的名古屋大阪之旅，其他人通常都唔理，交哂俾我 ，所以我一有空，就拎住部“碌卜”搵搵搵，目前進度：大部分定左嘅景點交通已搞掂 ，仲有景點未定就遲啲先，今日番工就用學校printer印哂電子機票、民宿指引、名古屋鐵路圖、名古屋站coin locker圖...... （因為唔想再買一本旅遊書）上網睇人地寫嘅遊記真係好有用，九成都係台灣人，佢地先最有心機逐樣野寫出黎！！！！（感動 ）呀~跟住就係睇準時機換日元，換幾十萬.........円！

九月的大阪trip，就等冬冬了，等埋你就可以開始傾~~~

【fing錢系列】 琴日番工書記同我講七月底可以放假，番到屋企就馬上開電腦book機票，訂民宿，準備我們「暑假八日七夜名古屋大阪親子之旅」 ，名古屋真係未仔細行過，於是會花啲時間行下，加上小朋友們喜歡Lego,就決定去Legoland朝聖，仲有由九州搬過黎名古屋的one piece千陽號，一定要坐下！日本對小朋友的照顧真係好好，好多親子景點，所以又要去一下 ，特別是我最近搵到的大阪枚方公園、科學館、kids Osaka、鐵路博物館等等，就算大人去都會玩得好開心！（明明九月會再去 我這個人 ）大阪真係行極都行唔完呀！！

今日勁熱囉！！！！再次去將軍澳，同母親大人去閒逛，沙田有巴士直達，我都係第一次坐！喺aeon買得最多野 然後喺FILA買左件外套俾母親大人做母親節禮物 佢好鐘意呢間嘅外套，款式簡單修身，質料靚，但價錢令佢卻步，今日佢睇中一件外套，所以決定買俾佢做母親節禮物（佢一直唔俾我送，唯有用呢個理由送俾佢）雖然提早左好多xddd最近愛上食士多啤梨，韓國日本最好食 ，美國的冇味道~~

原來香港迪士尼而家要差不多600蚊一張飛架？？？
呀~好貴呀！

日本迪士尼咁大先係7400円，五百幾蚊
=========
日本環球影城7600円，突然覺得好抵玩！！

=========
經朋友推介，最近好多平機票，
大阪來回，最平1400-1900 平到喊呀！

但一定要淡季！ 我會考慮的！！！ 唔去可能冇機會！！

爭扎

上個星期，副校送左一幅刮畫俾我，俾我得閒的時候用黎消磨時間，我仲未開封，巴黎鐵塔好靚！！！等我睇夠先落手刮~~
今個星期上日文堂前去左OK便利店一趟，因為我知道佢做緊節日限定，全粉紅色，雖然不是我的菜，但有我最愛的桃味飲品，仲有櫻花糖果~~我只得敗下來了！！

好想去玩呀！

好悶啊~星期日，又係強制留家休息日！！！昨日受邀去未去過的C3，比想像中少野行~入場對我呢個體弱之人已經係煉獄！！首先經過九曲十三彎（10分鐘），再走樓梯上2層（電梯冇開），行到入會場我已經半死狀......要休息一陣先可以行動。我地目的只係聲優見面會，小西克幸and小野坂昌也。佢地2個先用廣東話介紹自己，然後全程就用廣東話稱呼自己“克幸”同“坂昌也”（正確應為昌也）翻譯糾正佢個名只係“昌也”，佢就串翻譯話自己鍾意叫“坂昌也”，有男仔讚佢地kawaii，就企身同個男仔講“you are gay boy?”每次翻譯講野，兩條友扮明，又學佢講廣東話，好似好有興趣咁！兩個成日互窒，又串觀眾，場面超好笑！！30蚊入場超值呀！但完左成個人散哂....好攰！只能強制回家休息

學校跨學科活動日，我去六年級巡邏，主題係年宵攤位。每班負責一個遊戲同一項DIY，作為老師，美其名為巡邏，實際上係周圍玩，以下係其中四班的DIY 仲有一班番屋企先玩~而家學生幾開心!!!!