好悶啊~星期日，又係強制留家休息日！！！昨日受邀去未去過的C3，比想像中少野行~入場對我呢個體弱之人已經係煉獄！！首先經過九曲十三彎（10分鐘），再走樓梯上2層（電梯冇開），行到入會場我已經半死狀......要休息一陣先可以行動。我地目的只係聲優見面會，小西克幸and小野坂昌也。佢地2個先用廣東話介紹自己，然後全程就用廣東話稱呼自己“克幸”同“坂昌也”（正確應為昌也）翻譯糾正佢個名只係“昌也”，佢就串翻譯話自己鍾意叫“坂昌也”，有男仔讚佢地kawaii，就企身同個男仔講“you are gay boy?”每次翻譯講野，兩條友扮明，又學佢講廣東話，好似好有興趣咁！兩個成日互窒，又串觀眾，場面超好笑！！30蚊入場超值呀！但完左成個人散哂....好攰！只能強制回家休息