tú-chiah kā tē-chhit, tē-peh, tē-káu kong-tâu-àn tē-it-chhù piān-lūn-hōe ê iáⁿ-phìⁿ lóng khoàⁿ-soah--ah, kó-liân kok-bîn-tóng kan-na ē-hiáu kóng-hau-siâu. 😑
tē-chhit, tē-peh, tē-káu ê kong-tâu-àn, chhiáⁿ ta-ke ài khì niá-phiò, tâu hoán-tùi!!

āu-chi̍t-phoe gû-á chhut-sì, leng-liōng khó-lêng chiū-ē kàu nn̄g-tòng-peh. 🤗

kin-á-ji̍t ê leng-liōng iu-goân sī nn̄g-tóng-chhit.☺

chit-phe chìn-kháu ê bo̍k-chháu kèng-liân sī tn̂g-thiāu-hêng ê.😲

leng-liōng chhiong-kàu nn̄g-tòng-chhit, chêng-kúi-kong chiah nn̄g-tóng-la̍k niā.😳🐄 🍼

soán-te̍k chham Bí-kok khiā kâng-pêng, Tâi-oân ū khó-lêng ē chài-chhù tòe-tio̍h kok-chè kio̍k-sè keng-chè chài-chhù khí-poe.
nā-sī put-hēng khiā chāi Bí-kok ê tùi-li̍p-bīn, Tâi-oân chin ū khó-lêng ē siū-tio̍h kok-chè ê ko͘-li̍p, keng-chè hām-ji̍p gûi-ki.

Bí-kok tùi Tiong-kok bō͘-e̍k chiàn-cheng ê khui-chiàn , mā chiū tāi-piáu tio̍h jī-chhù léng-chiàn ê khai-sí, tī chit-khoán kok-chè kio̍k-sè chi-hā, Tâi-oân pit-su iàu soán-tio̍h-pêng.

sàng-hoan-be̍h ê chiâⁿ phah-piàⁿ, bîn-á-chài ê liāu kin-á e-po͘ tio̍h sàng lâi--ah.
sī kóng, kū-nî ê chheⁿ-thú-á mā chha-put-to bē chia̍h liáu--ah.

ài-nó͘ lâng ê miâ, ká-ná lóng ho͘ liáu chiok kî-koài neh! 😂
“chi-kha-pak-si”, chiáu-á khiā-khí-lâi ê ì-sù, mā ū khí-chhio ê ì-sù.🙈🙈🙈

kè-sio̍k lâi khoàⁿ n̂g-kim ê kha-mûi tē-jī-kùi. 😉