hā-pan-liau khì bóe chá-tǹg, thiaⁿ tio̍h chi̍t-ê Tiong-kok kháu-im chiâⁿ tāng ê lāu-peng chham thâu-ke teh khai-káng.
hoat-hiān tio̍h hit-ê lāu-peng ē-hiáu kóng Tâi-gí, mā tùi Tâi-oân chi̍t-phìⁿ thó͘-tē ū kám-chêng.
pêⁿ-pêⁿ lóng-sī lāu-peng, mā-ū hun kúi-nā-chióng.

poe-lâi chi̍t-chiah pe̍h-lēng-si.
m̄-koh chia bô chúi-gû, kan-ta ū leng-gû.

kan-ta Hàn-jī pún-sin khoàⁿ tē-it-gán, khó-lêng ē-tàng ioh-chhut i tāi-khài ê ì-sù chit ê iu-tiám niā-niā.
che hoán-èng tio̍h, tāi-pō͘-hūn ê lâng lóng siuⁿ-kòa i-lāi Hàn-jī-hē-thóng, siuⁿ-bōe thoat-lî Hàn-jī sīm-chì kóng-sī Hôa-gí ê koat-sim iáu-koh bô-kàu.
sú-lâng tam-iu.

kin-ám khì thiaⁿ chi̍t-tiûⁿ Tâi-gí ê ián-káng, kóng-káng-lâng ká-ná sī Tâi-bûn Hàn-lô-phài ê.
i góa kok-jîn ê khoàⁿ-hoat, Hàn-lô ê Hàn-jī phái-o̍h, phái-siá, mā phái-liām, sú-iōng siōng chiâⁿ bô-hong-piān.

ta̍k-pái chē-hóe-chhia keng-kòe poa̍t-á-nâ-chām ê sî, góa lóng-ē thiaⁿ-chò keng-chio ê Eng-gí “banana”.😂
poa̍t-á chham pa̍t-á, ká-ná lóng ū lâng teh iōng. 🤔

chêng-chi̍t-chām-á thiaⁿ-tio̍h chi̍t-kù-ōe kóng-liáu bōe-bái:
"jû-kó lí jīn-ûi Tâi-oân sī chi̍t-ê kok-ka, án-ne lán chò-hóe lâi pó-hō͘ chit-ê kok-ka.
jû-kó lí jīn-ûi Tâi-oân m̄-sī chi̍t-ē kok-ka, lán tio̍h-lâi tá-chò chi̍t-ē kok-ka."

che-kúi-kong ū thài-chē-tiûⁿ kong-tâu-àn ê ì-kiàn hoat-piáu-hōe--ah, ài khai chiok-chē sî-kan chiah ū hoat-tō͘ khoàⁿ-liáu. 😅

Tâi-oân to̍k-li̍p la̍h-ji̍t, iōng Tâi-oân lâng tui-kiû bîn-chú ê kò͘-sū ûi chú-tê ê la̍h-ji̍t. múi-chi̍t-kong lóng ū i ê kòe-khì, múi-chi̍t-kong lóng ū i ta̍t-tit siàu-liām ê kò͘-sū.

àm-sî hā-pan liáu-āu, thâu-ke chhōa-góa khì-chia̍h kiuⁿ-bó-ah, thng-thâu chiâⁿ-phang mā chiâⁿ-tiⁿ, chiú-bī mā chiok tāng, chia̍h kah bīn âng-âng. ☺☺☺

chá-tǹg ia̍h-sī sio̍k-pháng🍞 chiah chia̍h ē koàn-sì, sio̍k koh ē pá.😆