In-uī ta̍k-ke ê bó-gí giâm-keh lâi kóng iá-sī Tâi-uân Huâ-gí?

VioLa_ShiSei: Che góa mā lí-kái, góa ka-tī kóng liáu siōng lián-tńg ê gí-giân mā-sī Hôa-gí. Chóng ·sī góa kám-kak nā-sī o̍h kòe Tâi-bûn, ke-kiám ē bat le̍k-sú, tō ē liáu-kái tio̍h pún-thó͘-gí-giân tō sī hō͘ Hôa-gí pek kàu bô khong-kan. Ta̍k-ke jú khì kè-kàu Hôa-gí, pún-thó͘-gí-giân ê khong-kan tō jú chió, in-ūi gí-giân ū-lâng kòa-ì kah sú-iōng chiah ē oa̍h.

Tō sǹg kóng chin-chiàⁿ beh siú-hō͘ Tâi-oân Hôa-gí, siōng-hó ê chò-hoat mā choa̍t-tùi m̄-sī khì pâi-tû "Tiong-kok lâi ·ê", in-ūi Hôa-gí seⁿ-chiâⁿ sī Tiong-(hôa-bîn)-kok ·ê, sī pún-thó͘-gí-giân hō͘ i ka-thiam "Tâi-oân-bī". Só͘-í nā hi-bāng Tâi-oân Hôa-gí mài kiâⁿ óa Tiong-kok, siōng hó ê pān-hoat tian-tò sī ài kiám iōng Hôa-gí, ke iōng pún-thó͘-gí-giân.

Tshiánn-mn̄g "hō͘ i ka-thiam" sī siánn-mih ì-sù?

Lí kóng ê tsit-ê guá tsìn-tsîng mā-ū khuànn-lâng kóng kuè, m̄-ko guá tuì tse iá-koh bô siánn siūnn-huat, in-uī guá ê Tâi-bûn koh leh uá-khò phah-jī tsiah-ū huat-tōo īng ê thîng-tōo, tiō tshan-tshiūnn lang lóng-kóng Ing-gí tsin tiōng-iàu, m̄-koh tio̍h-sī li ka-kī tsiok hn̄g ê hit-khuán kám-kak.

VioLa_ShiSei: Hit kù sī kóng, Tâi-oân Hôa-gí ê "Tâi-oân-bī" sī ùi pún-thó͘-gí-giân lâi. "Ka-thiam" tō sī cheng-ka ê ì-sù.

Góa kám-kak lí ná o̍h ná su-khó tō chiâⁿ hó ·ah.

Nā-sī tùi chit-ê gī-tê ū hèng-chhù, ē-sái khòaⁿ chit kúi phiⁿ:
Facebook
Chit phiⁿ sī Kńg-tang-ōe siá ·ê, m̄-koh ē-sái tha̍k khòaⁿ-māi:
呢個字係「匪語」？. 任何形式嘅「語言獵巫」都係語言發展嘅癌細胞 | by 阿擇 （Chaaak） | ...
Che sī góa chiok kú chìn-chêng hoat ·ê:
ಠ_ಠ - 會被用語入侵的原因就是 1. 台灣部份人看太多中國材料而引入 2. 台灣已經被洗成單語社會，...

Guá Khuànn m̄-tio̍h khì ‧ah, khuànn-tsò "雨衣加忝", siūnn-kóng kám-sī siánn sio̍k-gí.

To-siā Tuā--ê hun-hióng, guá tsiah-lâi khuànn-māi-leh.

VioLa_ShiSei: Góa siá ê sî-chūn mā lio̍h-á kám-kak hit kù koài-koài, chit-má siūⁿ siūⁿ ·leh, èng-kai siá chò "thè i" ē khah sūn