過左2星期醫院都冇揾我,即係血糖測試過關~Yeah~
令人鼻酸《異世界輕小說是在交通事故中失去孩子的媽媽們寫的…》 <-之前睇到呢個,就想小b暫時係異世界都好,我仲可以畫小b出來~就係咁,由係天堂休息ge小b,去左異世界歎世界~有我網站ge看版娘-蓓蓓、精靈-玄玄,陪小b玩、照顧小b~小b ge打扮都係之前fb廣告中見到好可愛的BB衣物,想將來買俾小b,依家就畫住先~兔公仔就已經買左~
我畫得好慢...每日畫少少,畫完又改改改,畫左個半月,當中有D日子係冇畫到...^^|||幅圖會用作站站15週年+中秋賀圖,唔排除會再有小修改,遲d再up有賀詞ge版本~

搬來新屋已經一年,開始慣了。在新家暫時有的只是痛苦回憶...很想你...希望很快我的幸福、快樂會再次回來這裏~等你~愛你~
p.s.仍未有電視機...XDD|||用電腦睇viu和港台都夠了~TBB沒興趣了~=3=

前日去左剪頭髮，今次洗頭又有返按摩，正～原本想試轉下形象，剪返個劉海～問左髮型師，我轉劉海好唔好？髮型師話都係斜陰適合我，結果冇轉劉海～我毛燥勁，佢問我平時用開咩護髮用品。我用開護髮素、美髮油。佢話如果都冇乜效果就試下呢支防毛燥ge油。剪完佢同我搽，真係順返晒！冇乜毛燥！頭髮又有光澤，唔油膩～佢話keep住勤力用一排，之後就冇毛燥。咁神奇，會斷尾？！埋單時，佢冇sell我買，提都冇提。唔hard sell咁好，就同你要買一支。（前提要唔太貴。）剪開頭髮黎買有折，折完＄180。前晚返屋企洗完頭，吹頭後用。到尋日Ｄ毛燥依然少左好多！呢支野真係work wor～平時Ｄ美髮油，第二朝已經打回原形…

得一片清仔魚片…

自"坐月"後,我條腰粗左2寸...重左2.5kg... 之前辛辛苦苦的起心肝,一次過縫細左n條半截裙的腰,縫完未著晒就大肚,冇再點著縫細左果d半截裙。依家又要的起心肝一次過拆返晒縫細左果n條半截裙... 雖然重左但bmi仲係過輕,不過可唔可以唔好肥晒係個肚腩度... (消化完第二朝個肚腩係細返d的~)

尋日一大早去醫院飲糖水、抽血，今次Ｄ糖水好難飲…上次用自己個保温杯裝糖水，水份量多Ｄ？果次杯糖水好甜丶有少少苦，算好味。今次用一般ge紙杯,好甜丶好苦！飲完想嘔…但又唔嘔得…如果醫院２星期內冇揾我，即係冇事，希望冇事啦～

今日和小迪去哈豆吃lunch,好吃～但豆漿紅茶、豆漿綠茶，只有好微好微的豆味。之後來我家，謝謝泡芙，好好味～

原本打算過了照結構就開開心心通知大家的,可惜不願發生的事突然發生了...打開記事本,一行行紀錄著產檢的事,不想刪掉...失去小B後,幾乎日日都在哭...到現在想起小B眼淚仍會流出來...我好愛小B、好期待小B、好喜歡小B...
所以當報告出了後,就把整件事分享出來。對其他人來說,已告一段落,但對我來說,除非小B平安回來,否則永遠不會完。萬一小B不再回來(千千萬萬極之希望小B會回來!),還希望有人記得曾經在我肚內存在過15週5日的萌小B。
相中的靚靚紙袋是放我的寶物---萌小B的珍貴超聲波相,小B存在過的証明。

一粒圓圓的毛毛球～好難對焦…

圓碌碌的雞蛋～（右）
檸檬汁同菠蘿仔好似樣～ＸＤ泰國菠蘿仔超級甜！