毋通去中國、韓國、伊朗、申根國家（二十六國）、英國、愛爾蘭、杜拜、東歐（十二國）、露西亞、西亞（十八國）、巴基斯坦、北非（五國）、中亞（五國）佮蒙古！
M̄-thang khì Tiong-kok, Hân-kok, I-lóng, Sin-kin kok-ka (jī-tsa̍p-la̍k kok), Ing-kok, Ài-ní-lân, Tōo-pài, Tang-au (tsa̍p-jī kok), Lōo-se-a, Se-a (Tsa̍p-peh kok), Pa-ki-su-thán, Pak-hui (gōo kok), Tiong-a (gōo kok) kah Bông-kóo!

美國加州个 Disneyland 暫時無閣開放矣。
Bí-kok Ka-tsiu ê Disneyland tsiām-sî bô koh khai-hòng--ah.

英國政府決定袂閣檢驗症狀無蓋嚴重个人矣。
Ing-kok tsìng-hú kuat-tīng bē koh kiám-giām tsìng-tsōng bô kài giâm-tiōng ê lâng--ah.

臺灣發行量加權股價指數摔破九千七百點。
Tâi-uân Huat-hîng-liōng Ka-kuân Kóo-kè Tsí-sòo siak phuà káu-tshing tshit-pah tiám.

匈牙利宣佈全國進入緊急狀態。
Hiong-gâ-lī suan-pòo tsuân-kok tsìn-ji̍p kín-kip tsōng-thài.

露西亞國家 Duma 通過憲法修正案，取消總統个任期限制。
Lōo-se-a Kok-ka Duma thong-kuè hiàn-huat siu-tsìng-àn, tshú-siau tsóng-thóng ê jīm-kî hān-tsè.

意大利總理 Giuseppe Conte 宣佈全國封鎖。
Ì-tāi-lī tsóng-lí Giuseppe Conte suan-pòo tsuân-kok hong-só.

https://www.cdc.gov.tw/....
逐家好，我是中央流行疫情指揮中心指揮官陳時中。
Ta̍k-ke hó, guá sī Tiong-iong Liû-hîng I̍k-tsîng Tsí-hui Tiong-sim tsí-hui-kuann Tân Sî-tiong.

預防武漢肺炎，請逐家一定著愛手捷洗，啊毋通靠傷近。
Ī-hông Bú-hàn hì-iām, tshiánn ta̍k-ke it-tīng to̍h ài tshiú tsia̍p sé, ah m̄-thang khò siunn kīn.

今仔日是國際婦女節。
Kin-á-ji̍t sī Kok-tsè Hū-lú-tsiat.

以後寄批郵遞區號愛會記得寫六字喔！
Í-āu kià phue iû-tē khu-hō ài ē-kì-tit siá la̍k jī--ooh!