然後星期日頹左一日星期一返大陸玩泥煨雞~ 朝早同卡農BRIAN出大陸買雞脾雞翼然後落地下商場食野~ 之後等齊人搭車去~ 出關向左一路坐左大半個鐘先到 LOL 去到個阿叔幫手整個爐然後我同老占係到玩火咁塞D樹枝入去, 是的, 個阿叔叫我地塞入去 搞左一大輪先有得食, 好正呢~ 主角係兩隻阿叔搞的泥煨雞~ 錫紙包完真係搵泥再包落去~ D雞翼都淨係用錫紙包的說, 然後仲有就咁放入去的煨蕃薯~ LOL

一路食又一路傾下咁, 知道左好多野呢~ 話說以前就已經好中意同佢講野, 但一直無機會 ~.~ 然後食完佢地就返香港了~ 可能有野又要等出年拜山先講 XD 食飯戈陣問左佢電話然後返黎加左佢WHATSAPP, 不過之後好耐先回我一句, 話好忙wo, 定係佢唔知係我黎呢, 佢話佢會上網識朋友甚麼的 =v= 然後話說大表哥雖然唔得閒黎但都有派利是, 仲好大封TIM XD

原來成三個星期了.. 最近都唔多想打咁, 哈 話說呢.. 都唔多記得了 XD 係上個星期放復活節, 星期六過氹仔拜山~ 今年得二表哥黎呢, 然後佢女朋友又要重新搵過了, 哈 細GE得我同佢兩個所以難得地傾左下~ 不過斷斷續續都唔錯啦 然後聽佢講佢29了 LOL 不過我都就22.. 但總覺得仲係佢係22GE時候 然後夜晚食飯大舅母讓左個位比我坐佢隔離TIM XD 跟住我地兩個負責點菜~ 呵

訓唔返起身搞下個FYP, 計唔到唔知點算 LOL 食完飯返去測埋foundation個midterm, 同樑哥一齊搭巴士然後行返黎, 去左新曲掃下貨, 跟住又返黎係梳化訓了.. 梳化總係好訓d.. 然後食完飯上黎又唔知做咩了..

星期六返大陸拜山, 返到間新(舊)屋竟然有WIFI! 超感動的, 可惜舊電唔比力, 尿袋又唔生性差唔到電.. 上山搞完一大輪返去食埋餐飯又8點幾返到屋企又九點了.. 話說今年隻燒豬頗大的ww 星期日無野做又唔洗返工hea左一日.. 星期一補假無野做又hea左一日.. 然後本來今朝要返工的, 9點鐘出面大雨大到嘈醒左, 跟住就send個信息比年哥話唔返了~ 點知10點鐘就無雨.. 反正都send左, 就唔返了 lol

然後諗住今個月發奮返圖書館, 星期二朝早都返了, 返左兩個鐘, 結果中午食就食左一個鐘去了.. 然後星期三夜晚考management下晝又返屋企諗住溫習唔返工, 點知返到去都係訓左個下晝 lol 星期四中午竟然撞到John哥一齊食全球居, 試左個燒春雞, 都係EOD好食D, 可惜執左.. 之後星期五派左foundation個quiz果然係錯左了 ~.~

原來又個幾星期了.. 上個星期一朝早落大雨無揸車, 落巴士都無事的, 上完條斜路對鞋就濕晒了, 只好中午返屋企食換埋對鞋.. 早知著對地盤鞋返去啦~ 放學諗住搭巴士去科大搵個車主, 之後撞到哈利哥話車我~ 但行到出去又開始落大了.. 只好搭巴士啦, 行到圖書館又見到Andy wo, 佢又放學wo, 佢揸私家車wo, 然後佢就車左我去了 XD 去到比左錢佢又了左件心事, 然後Andy好好人的車埋我返屋企~ 好感動 ><

然後今日落堂去搵陸SIR都搵唔到, SEND個信息比佢問佢下午都係無覆, 然後同燊哥DONALD去漁屋食完, 返到屋企訓緊覺佢先打黎話佢去左廣州 LOL 而家唔知點做好唯有遲D再搵佢啦.. 然後聽日就係BUILDING個PRESENT.. 星期二落堂問左下陸SIR然後一齊傾左整左下, 一路到而家.. 仲未搞得掂, 聽日唔知點算, 然後話聽朝早D返去傾, 七點半 LOL 而我今日仲無揸架車返黎 LOL

嗚嗚.. 又幾日無上.. 星期一星期二都係咁.. 然後星期三朝早返學超無奈的, 過緊橋前面架車無啦啦停係到然後我差少少停唔晒咁就隊左埋去.. 然後落車佢即刻話要報警, 搞左半個鐘, 遲左半個鐘上去上堂.. 之後佢話拎去車行睇下要整幾多錢咁.. 唉.. 話說都好耐無踏足過友誼橋 LOL 然後星下晝返工, 星期四都係返工, 幾晚做好左FOUNDATION份功課然後今日QUIZ, 感覺多數都係做錯了 LOL

然後今日又訓左一日.. 訓到中午起身食完飯玩下電話又係梳化訓左個下晝, 仲訓到唔記得打龍王嘉年華, sosad 訓到五點半起身返綜藝館又hea左幾個鐘, 下個月開始就一人一更咁返了~ 返到黎諗住整下個FYP最後都係HEA左一晚.. 話說LIAR GAME今日終於再開好感動 XD