HO HO HO~ 又返左幾日學, 尋晚總算整好份野比HANNAH 寫推薦信~ 然後岩岩交埋個網上申請了~ 因為星期五有個CAREER TALK陸SIR唔得閒所以約左今日下晝搵佢, 結果一搵就一個下晝了.. 兩點半搞到差唔多6點先走, 傾左好多但問題好似仲未解決, 哈 唔知幾時先可以開始做呢, 樑哥已經做完了的說..

本來食到咁飽又返到樓下想唔去的了, 但佢叫到~ 去到淨係叫左杯野 原來佢地得兩個人 XD 食完又打包左D話拎返黎比老豆食咁, 返到黎飽到唔想郁了, 沖個涼就上黎唔食飯了, 但上到黎都係咩都無做過.. 咁又一晚了.. 唉唉唉..

今日返去影埋張畢業相~ 總算了了一件事~ 見到PROFESSORS D袍好型呢~ 影完繼續留係到同其他人影, 但其實只係不斷咁攝鏡.. 哈 搞到三點幾先同老占佢地一齊落山食野~ 換袍戈陣著左老占件馬甲影下相, 好緊~ 然後成個侍應咁 LOL 每逢大時大節都係食PIZZHUT~ 哈 叫左4~5人餐加半隻雞, 一人90蚊食到好飽~ 車返老占返去就返黎了, 返到樓下又比家姐叫左去小甜甜又食過 XD

原來已經又一個星期了.. 話說星期一上完一堂有份功課星期六交, 但星期四先開始搵但又搵唔到, 最後星期六上堂同老師講份野係老占到, 咁岩佢今日又無黎上堂.. 哈 最後都係我一個人返功時KO左SEND比佢.. 然後星期五落堂去搵陸SIR結果都係無結果, 點解塊牆向外轉但D力會大左架... 然後都係沒有然後..

之後頹頹下無相要影咁, 都唔明點解戈堆人可以影咁耐.. 唉, 可能我只係差咁個攝影師掛, 臨走前見到Pak, 總算影返張, 哈 然後就趕返去返綜藝館了, Ivy佢地送戈堆氣球幾驚過橋戈陣飛走, 哈 然後驚吹走仲特登篤爆左頂凸出黎戈兩個 XD 然後下星期又再黎一獲, 唔知又搞成點了~ 頹完就要開始諗下報master d野了, 雄哥話叫我讀full time 呢..

不如算了, 之前戈D唔想打了, 已經成兩個星期了的說 =V= 日子都係咁過, 頹下一日頹下一日咁, 搵完PROFESSOR返到黎都係咩都唔想郁.. 然後早兩日影左個畢業相, 做專業代表真係很頹, 班人又唔聽掛住影, 影之前IVY同MANDY黎左, 太好了 :'D 影完班戈張老豆佢地就黎了, 然後又搵埋戈兩位表姐, 之後等到雄哥都黎搵我影相, My Pleasure, 傾左好多畢業之後的, 仲未知點算..

個幾禮拜了... 仲未有心情打返... 過兩日又影畢業相了, 麻煩的 lol

要發毛了, 哈 晚晚都唔想開電腦的說..

然後無啦啦又早左一個鐘放.. 本來諗住12點放去攞袍的嘛.. 11點去到仲未送黎.. 不過聽講搞到下晝唔知幾點先送到 @@ 之後去學生事務處攞埋個國際學生證.. 見佢搞咁耐仲以為張相會係印落去, 原來都係貼上去.. 戈日係高教辦見戈張係印落去的 之後就搭巴士返屋企了, 食完飯又入左老豆房到訓, 哈 訓到五點鐘返綜藝館代SIX更, 坐坐下又10點搭巴士返黎, 影多次個舞台總算又了結左一年~

食完無揸返架車咁同媽行左去新苗逛左下先返屋企, 然後又hea左一晚了, 睇完王牌投手第一季了~ 好滾動, 然後今晚開始追第二季~ 有個高清版無咩彈幕好似無咁好睇 XD 今日呢~ 第一日返學~ 本來諗住跟老豆落去食完早餐返學, 但今朝得個5度 =.= 又落下雨咁最後都係無落, 係屋企淥左個麵就算了, 然後搭巴士返, 最後一個學期第一堂係韓文~ 估唔同到韓文1差咁遠, 全程講韓文GE, 好多都唔佢講乜 =.=