昨晚睡前晴自然又想食,我就叫佢俾D理由我點解想食啦.佢俾左三個理由我: 第一[因為好好味!](正常答案); 第二[奶奶好掛住我! 好想我食佢!] (下?@v@); 第三[咁樣奶奶咪有工番嚕,冇人食佢佢會失業] XDDD

今早回校又遇到吳老師,他拿出晴晴的週記給我看,原來晴晴很清楚的畫了去澳門玩時見過的大三巴和滑草,真是好漂亮好厲害! ^^

今早送晴晴返學遇到吳老師,佢問我係咪成日帶晴晴去街架? @@ 原來晴晴好叻,學緊交通工具好多野都識,連頭等車廂都識...又話佢好攪笑,成日話好鍾意食菠蘿! 哈哈!

昨晚臨睡前讀了本書最後講[GOOD NIGHT]和[SWEET DREAMS]的,晴晴就話:[我其實都有一個夢想架!] [咁你既夢想係咩?] [我既夢想係跑步比賽第一名!] XDDD [個夢想很好呀,咁你想點實現呀? 冇一個比賽係必贏架喎,除非得一個人比賽...咁你要唔要參加一個人的比賽?] [咁要兩個人比賽啦!] [兩個人比賽都可能唔會贏架喎,不如我地每天都努力練習,當你練習夠跑得比人快,第一名自然係你][好呀!]

問晴晴:[你第時想讀邊間小學呀?] [我要讀媽咪果間!]
我話:[不如讀爸爸果間呀?] (佢都唔知邊間) [唔好!我要讀媽咪果間!] [咁不如讀舅父同姨姨果間呀?] [唔好!我要讀媽咪果間!] [但係舅父同姨姨都係同媽咪讀同一間小學架喎! XD] [唔得!我都係要讀媽咪果間!] 俾佢笑死 XDDD

晴晴有晚坐巴士看到路過的士車頭板面,問那些是甚麼,我約略解釋後說,這些在學車時,老師會教授的啦. 跟著晴晴說:[我唔駛去跟老師學車.] [點解呀??你唔想學車?] [我去科學館(個模擬駕駛遊戲)度學就得架啦! 果D係科學黎架嘛,係咪?!] XDDD

晴晴昨晚話想睇怪獸大學,我話:[但係PAT PAT尖(即係坐唔定)既小朋友係唔可以去睇戲架喎...] 晴晴話:[PAT PAT尖咪啱嚕,個PAT PAT拮實係張椅上,郁唔到,淨係隻手係到郁] 真係俾佢笑鬼死! 哇哈哈哈~ XDDDD

原來不只我會唔慣,會失落,連每晚烚樽的晴爸都會哦~ ^^"

要堅持不易,原來要放棄都需要決心... 四年的堅持,真的有點不捨... ^_^ 是時候要放棄了~

明天就是晴晴四歲生日,說好會掛泵的日子,希望我和晴晴會好快適應,冇泵泵奶的日子~ ^^