星期五將會有公司晚宴不回家吃飯,昨天先跟晴晴說聲讓她有點心理準備,點知晴晴反應好大,大喊得好淒涼叫媽咪唔好去,唔駛咁誇張吧? 可能是昨天玩得太累?

問晴晴今天返學最開心的事情是甚麼,晴晴說[媽咪同我返學最開心!] 呢個囡仲好想我接佢放學添~ 上次我病倒了請病假不能上班,她知道後就偷笑,因為知道我會接佢放學,哈~

每次問晴晴幾歲唔食奶,佢就話[九歲],我就話[四歲]. 問佢[你揀三歲定四歲呀?] 佢就話[九歲!] 不過日日講得多,佢好似都有d軟化,最近佢會話[四歲]. 唔知最後攪幾耐先得呢? 要和平離乳真係咁難?

行搞笑路線的晴晴呢年成日講d自創既奇怪說話,我問佢[你呢d係外星話黎架?] 晴晴話[係呀!] [咁你係外星人黎架?!] [唔係呀!] [你唔係外星人,咁唔通你係內星人?] [係呀~ 我係內星人~] XDDD 俾佢笑死~ P.S. 既然阿囡係內星人我要快D完成靛仔的書先得啦~ XDDD

晴晴問姨婆[邊個飲左罐可樂?] 姨婆說[咪你老竇嚕~] 見到晴晴一面問號,於是我問佢[你知唔知邊個係你老竇呀?] 晴晴話[...媽咪??] XDDD 於是我叫佢問爸爸邊個係佢老竇,佢又走去問喎,勁好笑~ XDDD

呢排放工時間,晴晴就識自動自覺打電話俾媽咪傾計,(其實主要係講要買咩好野俾佢食 XD)打完俾媽咪跟手打俾爸爸問佢係咪OT,呢個囡囡真係叻豬豬~ ^^

最近放工時間晴晴都打電話俾媽咪傾計哦,昨晚打完俾媽咪,仲打埋俾爸爸添,叻囡~

晴晴說:[奶奶最好味!] 我話:[最即係第一名喎~ 第二名就唔係最啦] 唔知晴晴有幾明白[最]字的意思,不過聽到佢話[奶奶最好味],[最鍾意媽咪]都係好開心~ ^^

晴晴今天起升幼兒班了~ 鞋架升了級,班房和老師都唔同左,應該帶俾晴晴一點新鮮感? 今天晴晴分手一下有少少喊,不過真係少少,好快都聽唔到聲了,叻囡,要繼續加油呀!

昨晚晴晴試了人生第一次睇牙醫~ 我地帶佢去檢查牙齒嘛. 我先洗牙,讓晴晴看看[睇牙醫]是怎麼一回事,然後到佢啦~ 醫生一開始就問:[佢咁細個做咩帶佢黎剝牙呀?] (醫生,你有冇聽人講野架,都話帶佢黎檢查架嚕~ =.=") 晴晴都有乖乖張開口給醫生看,叻囡~^^