seng-chûn tiō sī chiàn-cheng!

hoat-hiān chi̍t-chhut kap Ji̍t-pún Pak-hái-tō ê Ài-nó͘ lâng ū koan ê bàng-kah. kiò-chò "N̂g-kim ê Ka-mûi",
kò͘-sū ê pōe-kéng sī tùi Ji̍t-Gô chiàn-cheng chò khí-thâu. hi-bāng sòa--lo̍h-lâi ê kio̍k-chêng ē chhut-hiān kúi-kù-á Ài-nó͘ gí. 🙄

Chô Tióng-chheng, Chô lāu-su kóng-ōe chin chhù-bī, i kóng ài kā Chi-ná-bîn-kok koáⁿ-tò-khì Kim-mn̂g kiau Ma-chó͘.
siāng chhù-bī ê chi̍t-kù sī, kā Ma Eng-kiú koáⁿ-tó-khì Ma-chó͘, kā Kim Phó͘-chhiong koáⁿ-tó-khì Kim-mn̂g.
hāi góa chhiò kah bōe-tín-bōe-tāng.😂

chit-ê sû-tián bāng-chí chò liáu bē-bái, chéng-ha̍p liáu soàⁿ-téng tāi-pō͘-hūn ê sû-tián.
put-koán sī o̍h tâi-bûn, ia̍h sī siá tâi-bûn, lóng-ài tiāⁿ-tiāⁿ khì hian sû-tián. bōe-hiáu bô iàu-kín, chia̍p-hian chiah o̍h ē kín.

ChhoeTaigi 找台語

kin-á-ji̍t ê chá-tǹg sī sat-ba̍k-hî-tó͘-moâi kap chháu-hî-moâi, chin chhe-chhau.😋

chòe-kīn tiāⁿ-tiāⁿ teh hoân-ló àm-tǹg beh chia̍h sáⁿ.😅

thàu-chá kèng-liân ē lo̍h-hō͘.🙄

pài-sì ê iā-chhī-á, bô-sè-jī koh khai siuⁿ chē khí, khai bē sì-pah gōa. 😂

cha-àm kan-nā kò͘ leh khoàⁿ bàng-kah, bōe-hù khoàⁿ Chèng-Keng-Khoàⁿ-Bîn-Sī, chí-hó thàu-chá lâi pó͘ khoàⁿ. 😄

hoat-hiān chi̍t-chhut bē-phái-khoàⁿ ê bàng-kah, kiò-chò “甲鉄城のカバネリ”, “Kah-Thih-Siâⁿ ê Kha-Pa-Ne-Li”.
“Kha-Pa-Ne” tī chit-chhut bàng-kah lāi-té sī tùi kiong-si ê kiò-hoat. “Kha-Pa-Ne-Li” i m̄ sī kiong-si, iā m̄ sī jîn-lūi, sī kài-î kiong-si kap jîn-lūi chi-kan, ū chèng-siông jîn-lūi ē su-khó kap chin ióng-kiāⁿ ê bah-thé, sī tùi-khòng kiong-si ê hó thé-chit.