高橋 駿一 (@shun1waffle) on X無關公仔事但聖誕節開始D4既介紹也太巧⋯⋯🥲
D4聖誕快樂！！！

循例都大概發個流程！
因為想要立體啲既髮型所以留左四條小髮片打算一次性縫入髮際線黎做辮仔，結果上繡棚時好地獄，我定位定左三個鐘先完整上到繡棚🤗（。）
本來以為繡髮線好攰但結果我而家覺得超簡單（。）自問繡得好齊整好靚x
但對眼好出事，隻左眼眼線未拆繡棚前還好，拆完一睇覺得大失敗XDDD

但事已至此（自問實力補救唔到）決定聽天由命ry

塊臉皮其實我應該搞左1晚+1全日，跟住拆左繡棚就極速剪布縫身體，大概2-3晚？
之所以呢啲整得咁快係因為我到呢一刻重係決定唔到有馬既髮片到底要一整塊既後髮片好定髮尾片就算，面呢樣野我知會係糾結最耐ry

整到呢個地步後因為我工作上進入左絕讚瘋狂開夜模式，所以本身諗住一隻隻黎但計劃有變，於是開始伊吹既臉皮製作

吸收左有馬既製作經驗所以頭毛布+小辮子準備得好得心應手既me hhhh
但我精神嚴足不足一開始時剪相反左髮際線ry、好彩發現得早

刺繡噹噹噹！想講我懷疑係天氣太凍所以水溶膜變脆，前三隻都冇事但到伊吹時水溶膜一路繡一路爛、我繡到唔知自己繡成點XDDD

好彩拆繡棚之後效果比想像好，我真係超唔擅長繡幼線所以伊吹個眼框我真係一邊繡一邊後悔點解我要整眼框（因為白瞳會同眼白融為一體ry）

但想講就係谷ケ崎伊吹害我戳爆自己中指同整攣左支繡花針（。）
脫獄犯就可以為所欲為攻擊我同我支針架咩！！！XDDD
（伊吹：無辜😐）

anyway整完伊吹既臉皮後其實進度條直接拉到80%，要問點解既話因為10月底我已經提早剪布做好伊吹既身！！
（但冇影到成個身縫完既樣，笑）
因為伊吹既皮膚布我本身有&同另外三位唔同色（偏白）所以先可以進行既提前操作XD
好彩有咁做到唔係我真係唔訓都趕唔切⋯⋯^q^

完曬簡單野（？）之後終於到我覺得最苦手最地獄既部分：整髮片
我一路整一路N度覺得我個仔真係好易整、痴線D4四隻個難度根本唔係人咁品（⋯⋯）

研究有馬&伊吹既髮片時既my超混亂書枱（。）
真係瘋狂打版瘋狂對位試效果瘋狂嘗試各種可行性⋯⋯
有馬我真係糾結左佢既及肩髮好耐好耐，最後決定都係髮尾片搞掂佢
於是幾經辛苦終於將兩人除左瀏海既髮片決定好曬↓

講個笑話呢張相係尋日朝早11:13影（。）
最瘋狂爆肝人就係我ry

堂堂有馬既反面同正面皮囊（喂
想講髮尾片效果好到爆⋯⋯多謝做決定既自己🥲
然後有馬既瀏海髮片又係搞到我焦頭爛額既一環
畫娃稿都改左兩版，然後實際做既時候、從初版到最終定案我又整左四版（。）

真係懷疑人生，但個瀏海覺得都係靈魂既一部分所以唔想hea，想盡量一出黎效果就係有馬⋯⋯
還好結果係好既！！！

個人覺得D4裡做得最成功既一隻、果然通常唔係自己最推し就會做最好（到底
不過真係好彩瀏海岩岩好遮曬左眼既失敗位www 唔係應該整完會比有馬粉打，咁樣衰x

然後尋日夜晚先開始進入最後直路既伊吹
冇影到縫髮片既途中但其實我拆過一次線🥲
唔係好似時空院既髮片咁縫唔到入去，而係縫完個效果同我想像相差太遠，同埋覺得縫呢種帶自己弧度既髮片唔仔細縫係唔會靚
所以認命將縫好既一半拆曬然後大頭針N枝侍候、將髮片認認真真釘好左個臉皮上定位後先再縫過，效果就好好多
原來唔係對好縫份既問題而係大頭針定位！！大頭針好重要！！

然後堂堂伊吹既翻面同正面皮囊XD
髮片整出卷毛效果超可愛（自己講）
塞曬棉花之後輪到伊吹既瀏海實際打版，其實本身既版已經覺得ok但我想瀏海再生動自然啲所以加多左條垂髮、感覺cute cute（自己講）

本身諗過頭髮既挑染都用刺繡解決，但我時間唔夠（。）同睇返其實用刺繡既話髮片中間凹左入去個效果應該好一般、所以都係用髮片接駁解決XD
縫挑染駁片用既係卷針，只縫上邊既位做固定，所以唔會完全嵌入髮片，覺得效果不錯

縫埋上頭上就終於完成啦～～～

以上！最後既有馬同伊吹でした～～
方便自己放返燐醬同時空院既紀錄係呢邊XD↓@elise1126 - D4娃進度（1/4）（x 結果變左同我同一日生日(?)既我家燐童XDDD 其實...@elise1126 - D4娃進度（2/4） 重有十日就聖誕我真係可唔可以再生埋最後兩隻出黎🥲（。） ...
開心我家既越獄犯娃娃們終於可以平安四隻一齊脫獄過聖誕⋯⋯雖然冇衫著XDDDDD
抖返日之後大概開始新一輪挑戰之娃衣製作！！
我真係可以整得掂嗎娃衣感覺又係另一個世界既難度XDDD

原來推上放左但噗唔記得放XDDD
伊吹同有馬既髮型側拍，個人黎講幾滿意佢地既小辮辮⋯⋯不枉我整得咁辛苦⋯⋯效果萌⋯⋯⋯


&我之前買D4毛巾時重覺得自己太一時衝動，而家覺得有買到毛巾既我係天才（。）
大概因為自己親生既（親手縫既）所以有好重濾鏡、覺得四隻擺埋一齊好卡哇⋯⋯
四隻顏色都唔一樣感覺好四者四樣、好⋯⋯
雖然呢一個半月真係好chur但今日睇到成果覺得幸福⋯⋯