我要大聲講，時空院丞武我頂你個肺！！！！
愛係真係好愛但難做係真係好L難做⋯⋯⋯
個頭髮搞左好耐都搞唔掂，今日開夜後假期諗住全日谷完呢隻院，結果我頭髮拆線拆左三次，我整娃以黎第一次要瘋狂拆線，心態真係好崩潰好想放棄🥲🥲🥲🥲
但諗住條路自己揀，仆街唔好喊
同埋呢隻糖分笨蛋係my推唔diu得（但我頂左佢個肺（點），所以都係發完脾氣之後又繼續堅持⋯⋯
我真係想整曬四隻出黎比佢地過聖誕，幾痛苦都捱埋呢十日🥲🥲🥲🥲
但我諗有馬同伊吹應該點都冇院咁難整掛⋯⋯應該⋯⋯⋯（flag

照舊放個流水帳記錄


人懶冇特別打卡⋯⋯
刺繡黎講其實覺得有進度到一啲啲，至少我覺得我家院既顏值係有既（自己講x）
不過繡得比燐醬攰，因為時空院髮型對稱所以臉皮都一定要繡到盡量對稱先好睇，努力係對稱上花過心機，雖然最後都係冇好對稱但至少一眼睇落去冇破綻🥲

拎臉皮黎對比一下娃稿！
拆左繡棚塊臉皮都冇變型&都算還原娃稿就覺得好欣慰🥲
不過拆左繡棚同撕走水溶膜先發現嘴、左眼眼線同右眼瞳孔都繡得岩岩巉巉咁，所以第二round上繡棚=頭毛布定位時打算順便補補針


最後臉皮be like this（喂
因為瀏海決定左做瀏海髮片所以臉皮上既頭毛布就咁一個大弧線+兩條我一直諗唔諗留低、但娃稿有畫到既卷毛鬢髮就結束呢個回合ry

後面輪到剪布片&傻瓜縫紉工環節🤪
其實呢張相係我星期日凌晨影既，然後呢個星期進入左個痴L線一三五開夜人生（冇錯我聽日又開夜🥲），所以基本上時空院個身我直接帶埋返地盤開夜前趕工縫製⋯⋯
其實真係兩晚左右縫完左個身，但點解我都到今晚先整得完？
因為佢個髮型真係TMD難諗同難整，好崩潰🥲🥲🥲

痛苦既諗法就唔多提，總之紙樣改左三次版、剪布剪到懷疑人生點解要虐待自己，終於將後髮髮片都準備好
唔係講笑準備頭髮髮片我整左一日🥲


終於到今日（過左凌晨所以係尋日？）所有野ready於是就將頭部縫合埋
⋯⋯就係呢度縫合臉皮+後髮+後腦勺時我縫完又拆拆完又縫到一度好想丟低啲布就咁走（。）
不過只係諗下姐條路自己揀ry

然後頭身縫合⋯⋯每次都覺得係地獄XD
啊但今次因為有後髮片遮醜所以翻布既開口留左係後腦勺度！！翻布時真係爽好多、令我好想放棄背脊開口既堅持，但冇後髮片遮醜既話我就ry

翻布之後塞棉花睇睇狀況&剪好瀏海髮片stand by，發現後髮片因為我剪成一條條曲條所以可以擺到身前，考慮過之後就剪左本來既兩側鬢髮，然後直接藏針縫瀏海之後我家院變成咁↓

⋯⋯⋯睇落好清秀好美人但你誰🤣🤣🤣（。）
個下懷疑人生到一個點，所以將之前屈好既圓框眼鏡塞比佢戴下，影到噗首個張相先有啲安心返hhhh

稍微p左下帽比我家院發現時空院本體大概係眼鏡+貝雷帽（點）
等D4娃整完曬我要盡快比燐醬同院整帽仔🥹⋯⋯

以上，大概係咁吧
終於時空院暫時告一段落（同燐醬一樣可能髮型之後有時間再修修），下一個有馬⋯⋯！！
大概都會整後髮片=再自虐一次，不過至少唔洗整曲髮、但我要繡一半髮線🤪⋯⋯
因為星期六日兩個全日搞得掂臉皮，希望冬至時可以開始整到伊吹
加油啊我自己⋯⋯！！！

———

開始準備有馬既布到3點然後決定先去訓（。）
至少剪左幾塊布聽晚直落開夜都可以有啲野縫下，唔想浪費時間，尤其是而家時間好汶水⋯⋯
不過有馬我又諗緊用後髮片or髮尾片好（又ry）
右邊既辮仔s應該扭麻花縫落臉皮+頭毛ok既⋯⋯

其實呢個凌晨一路準備一路覺得自己好傻，整黎都唔知為乜，你話兩年前整，都重可以玩呢兩年
而家既麥舞都要完，我先至黎徒勞無功咁突然爆肝整娃，真係除左玩自己之外唔知比咩評價
但咁樣燃燒熱情又好似唔錯⋯⋯我畫畫爛寫文都爛，呢類創作上唔知點樣付出黎表達我既鐘意，但整娃我做到，我都想做，所以就做
人一世物一世，其實可以咁樣衝動爆肝都係一種經歷同回憶黎既
有陣時可能淨係想留低一啲證明，我真係鐘意佢地既證明
傻仔咪傻仔囉，我自己鐘意就好，只要臉皮厚就唔驚比人話我傻！ry

btw其實整完娃未諗點安置所以又塞係枱面既雜物堆上（你x
打算熄電腦準備上床時一眼掃過黎見到覺得莫名好笑www
感覺好似D4逐漸冒出攻佔我呢個角落，一郎&kitty&玻璃獸感到困擾wwwwwww
chur完真係要執下野⋯⋯嘛，可能新年先執都唔定XDD
訓luuuuuu