其實今次打卡記錄唔多，因為都整左幾次娃了⋯⋯
但唔縫髮際線+接駁兩鬢髮片同後髮片應該係第一次，後髮片我真係好崩潰XDDDDD

由頭開始講，例牌印娃稿然後畫落水溶膜再連埋皮膚布上繡棚↓

今次用新買既水溶膜手感超好（。）同埋佢多少有啲紋路所以我大致可以控制到力度，我覺得我今次繡臉皮除左個嘴最先開始繡所以gg左外對眼滿意！冇變型！！！

繡完臉皮之後拆水溶膜，因為聽講如果唔縫髮際線（可以掀瀏海）既話可能會塞棉花之後前額髮會縮左上去變成超短瀏海
所以我流做法係剪好頭毛布之後對位連同臉皮再上一次繡棚，然後用藏針將瀏海上面固定係臉皮度（大概沿住紅色虛線既位），咁之後頭毛布點樣扯上去都有個限度⋯⋯實驗結果大成功

然後再剪埋藍色髮片用藏針縫係兩邊～
鬢髮髮片我其實都整左兩三對+反覆修改大小長短，因為畫娃稿時只係概念，整既時候要跟實際情況微調，所以我直到塞棉花前其實都一直修修剪剪，好彩一開始有預大+長左啲XD

臉皮+前面髮型算係搞掂左之後就又輪到快樂剪布同縫娃體～
我嫌之前用既皮膚布太白所以今次買左塊偏粉既皮膚布黎整，顏色好滿意&我家便吹真係可以同D3有皮膚色差了開心！！XDD

同以往唔同既係我本來打算幫燐童整成個頭既後髮片，一般用於整長髮至會做既，但燐童既頭髮半長不短所以我一直好猶豫應該做成片既後髮片定係搞髮尾片
但anyway整左後髮片先再算（喂）

後髮片用布用雙面黏合襯+直髮夾正反黏埋一齊，自從發現200度頭毛布唔會燙燶之後我就大膽使用直髮夾，方便簡單又好用，更重要係黏合完塊布都係軟身既，唔似UHU膠乾左之後塊布硬到可以攻擊我（XDD

反正縫紉我已經做慣了所以冇野好講（。）
猶豫左好耐後腦定背脊留位翻轉塊布，結果都係想背脊留位，我對後腦勺留位翻轉真係冇信心縫得靚wwwww

縫完娃體後終於決定捨棄後髮片改整成髮尾片，所以刷刷兩下就將後髮片大刀闊斧修剪成兩塊髮尾片
好處係我可以再係上面用藏針加多兩塊藍色毛布當成燐童既挑染，諗左好耐都係想整多啲挑染wwwww


↑髮尾片既正反～
因為挑染位置有唔同所以縫入頭部既時候要分清楚正反兩邊，但我係on9仔我真係第一次時縫反左（。）
含淚勁sad拆線重縫⋯⋯好彩只係縫左個開頭我就發現g左唔係我真係喊出黎www

所有野縫完曬後既燐醬裡面（？？？？）
裡面睇時我好比心機做既髮片sss都全部睇唔到、只係一個好普通既娃體咁，一秒有驚過死啦會唔會整出黎又醜又唔似樣XDD
還好翻轉之後又覺得似乎能接受hhh


↑塞棉花前～
想講我今次又換左版型黎整娃，比之前整既明顯感受到細左好多，具體體現係我縫合頸部時縫到懷疑人生&翻轉時唔靠工具（筷子）輔助完全翻唔到身ry
同埋我要再讚一次自己縫紉工真係超好，我翻轉娃體時基本上都係暴力蠻扯但完全冇爆過線，多謝我既縫紉經驗？？年（喂XDD

總之塞完棉花之後燐醬就變成咁啦～～
⋯⋯前面都ok既後面真係好怪hhhh
其實我已經大刀修剪過髮尾片但好似都唔太對路ry 可能之後再修剪
但正面同側面睇我覺得都有達到想要既效果～

yeah我家燐醬有金耳環但好大隻x
之後睇下搵唔搵到再細啲既換hhhhh

其實我有求其搵娃衣塞比燐醬著但係ry⋯⋯
⋯⋯⋯嗯我都係之後整完D4努力整娃衣吧啦XDDDDD

比例尺一下（？）
因為都係號稱10cm所以對比參考下
我就話阿洛整完出黎勁大隻覺得似15多過10cm，睇下燐醬同一郎細隻幾多XDDDDDDD
但呢個10cm版型同催麥既努努差唔多大細讚啦！！我就要呢啲！！！
不過size細咁多真係縫紉技巧再次受到挑戰，指頭好痛XDD

製作時長黎講、唔計我經常放工返屋企就收左皮ry
繡臉皮用左一日
剪布+縫娃體用左三晚
大刀闊斧改後髮片&縫頭頸用左一晚+一個凌晨
塞棉花&最後修剪調整用左半日
⋯⋯其實勤力既話一星期趕一隻娃真係唔係夢ry
不過要睇工藝既、如果要縫髮際線就肯定要再耐啲，而且時空院既長卷髮未有頭緒，有馬既髮型有啲新想法但又係虐待我自己ry

聖誕前可唔可以擁有D4全套娃呢🥹（望住12月既自己x

最後附錄一個小嘗試：諗緊時空院既圓眼鏡係繡埋落臉皮定係額外小道具，正好屋企有幼鐵線，簡單扭左副圓框眼鏡比燐醬試戴睇睇效果了XD
⋯⋯⋯有啲萌，感覺應該可以？？？？？？
理論上比我繡落臉皮效果會更好吧，畢竟我對繡持續粗幼既線條冇信心XDDDD咁既話之後買外面包黑既鐵線黎扭副圓框眼鏡比時空院好了！！！！！
多謝燐醬幫時空院試眼鏡！！！！（燐：🌝）

最後自虐式對比下x
⋯⋯好啦我之後再幫燐醬剪剪頭髮XDDDD

下一隻輪到my推時空院，但我冇信心D4（？）日前整得完，天曉得我甚至未溫面試題目XDD
希望兩星期整得完啦！！！之後一星期一隻！岩岩好聖誕整完四隻！