夢既內容簡單而言大概係抽神席睇D4（高橋伊吹）商場表演綵排ry

其實認真諗完全唔係麥舞會有既安排&D4該有既人氣XDDDDD
因為未正式開始表演所以只有零零星星既觀眾係商場set好既觀眾席（站席）等住
然後主辦方超大方（？）現場公開進行綵排，見到啲工作人員set場試咪調較燈光同舞台裝置etc
之後重開麥講接下來會有演員出黎就位綵排所以請在場觀眾安靜一點，我心諗見到推既話可以靜到架咩XDDD

然後就響起SOR既前奏，舞台上面重有紅蓮既大型道具+燈光造出既火炎效果，超炫酷
跟住就見到伊吹著住SS衣裝出黎唱惹🥹
本來大家都好靜咁睇既但去到desperado時都係一齊大聲嗌出黎+開始控制不住打call，根本刻進骨子裡既反射動作XDD
但因為係綵排所以其他人冇出場、淨係唱完伊吹個part就音樂停左

之後高橋伊吹冇直接返後台而係台上直接跳落黎觀眾席最前排（大概係クガ大千秋樂謝幕時既記憶剪接XDD），我直接大腦死機
感覺就係套住伊吹皮但駿一直接出現係面前既情況，一邊走過前面+右邊+後邊既通路一邊笑容滿面咁對大家小揮手，我企得超近通路所以睇得好清楚、SS衣裝所以伊吹頭上既珠串既晃動睇好清楚、黑薄紗下若隱若現既大腿同埋黑短褲都睇好清楚⋯⋯完全係多謝上帝比我此時此刻企到係度既感動（點

之後大概行完成個block附近既通路駿一先至回程係右通路行返去舞台，我聽到身邊有人嗌D4、谷ヶ崎、伊吹個啲先突然回神意識到大概係絕無僅有既機會，所以係佢差唔多行到時就舉住D4手勢大嗌「イブキィィィィィィ」，然後、高橋伊吹聽到我把聲就望左過黎，眼神定位到我，跟住對我露出個種有啲害羞既笑容然後抬手對我比返D4既手勢之後就好快揮揮手小步跑返上舞台

哇我成個人大爆炸
完全開心到癲左伊吹超可愛而且確實得到推角既飯撒真係夫復何求
跟住我即刻想搵手機出黎開噗大叫媽媽我得左喇我拎到伊吹飯撒！！！！！
⋯⋯然後我媽就敲我房門叫我起身

而家都係噗記錄緊呢件事所以呢件事（係我夢裡）係真既（O）XDDDD

洗臉刷牙時思前想後覺得係尋晚一時高興亂寫⌚️🔥xクガホ相遇既段子所以夢到四個其中一個既機率高左
同埋好多夢裡面既畫面大概、係BOP現場記憶&後台照&駿一既inslive演變出黎XDDDDDD
潛意識既剪接技術真好XDDDD
好好笑係咪因為我就生日所以大腦提前發福利比我（冇呢種機制XD）

雖然覺得個夢小癲但我以前發過既見推既夢有更瘋狂既，所以好似都ok(?????)
唉如果冇比人叫醒係咪可以見埋其餘D3既綵排同拎飯撒🥹
好哀怨夢裡都好想要推し飯撒hhhhhh
同埋至今都未夢過BB whyyyyy，不過我寫同人都係D4居多所以又合理⋯⋯BB屬於我激推但舞台太完美已經唔需要我再創作（what

默默祈禱潛意識你係愛我既（？？？）今晚再比我發夢夢到BB or D4，或者一齊夢到我都ok wwwww《潛意識：冇呢項服務XDDD
等我今晚再ff下寫下段子黎增加日有所思夜有所夢機率x