覺得好似乜嘢都冇所謂

其實我覺得我自己應該算係個好自私嘅人

我覺得如果我返工其實賺到啲錢自己用畀到少少媽咪就夠，冇話要儲錢都冇任何嘅計劃

如果最近媽咪有乜嘢冬瓜豆腐有乜嘢意外嘅話，我覺得我自己都唔想再留喺呢個世界度
而呢個原因好單純就係覺得好辛苦

今日嗰個傳銷嘅朋友問我 咁你一定會有啲嘢想做或者你有啲嘢需要，所以需要到錢

我：其實我冇乜嘢想做，我冇特別再鍾意啲乜嘢，其實好多嘢都係可以買可以唔買，冇乜嘢特殊嘅興趣，亦都冇特別去追求嘅嘢

佢問我咁你乜都唔要乜都唔想嘅話咁平時你乜嘢係最開心

你要唔要識朋友你要唔要開拓你嘅人脈

我：我唔想識新嘅朋友我而家啲朋友足夠，我最開心嘅時候就係同佢哋一齊玩

然後傳銷朋友都好無語，發現佢講乜嘢我都覺得冇所謂

我又諗返起之前有一次同學妹講

我覺得呢個係我嘅平時諗法係處於一個正常嘅情緒之下都係咁諗

其實死亡係一件事情，只要你做咗就做咗，我嘅死亡，我覺得唔會影響到身邊嘅人，我可以好輕鬆

然後嗰陣時我學妹喊住同我講，點會，就好似我如果你走咗個話我一定會好傷心，我一定會記住你

嗰陣時我就開始覺得，如果有一日我真係要選擇死亡，係處於自己想放棄自己嘅話，我應該會同大家講咗先，唔會一聲唔響就走，會將想講嘅嘢交代好先

我的家人和我的朋友是我生存在世界上的唯一理由