不會吧?

其實咁大個人今次先係第一次自己去旅行

今次行程係台北同小伙伴熱愛cosplay完，佢就今日早機返香港繼續熱愛cosplay 而我就趁機想試下獨遊

作為一個灰姑娘，夜啲未返屋企老母就會打電話嘅人

我冇同佢講過其實之後有幾日我得一條友(。

都幾肯定佢唔會畀我得一個人

講完都唔知佢瞓唔瞓得著添

唔知係咪因為第一日撘早機個生理時鍾影響。

我日日四點幾自然醒。

講緊返訓都訓唔著

但好彩精神又冇特別差咋

今朝因為小伙伴要撘早機又係好早醒訓唔返
於是揾到間早開既舖頭食靚早

第一次試鹹豆漿幾好味!而且意外地幾飽肚下

今日個行程其實幾大變化

今日係台北→台中，再轉車去清境住一晚
原本係book左klook共乘台中→清境來回。

之前遲遲都未收到訂單確認已經feel到唔對路。
去問客服話因為未成團所以未可以確認。
結果琴日。

好彩有一早睇定後備plan

高鐵其實都預售揀好時間的

點知今日又咁早起

仲要發現撘去清境架車趕到早d既班次

好在高鐵可以去拎票個陣改班次wwww

而且琴日做多次功課先發現架車可以係民宿附近上落 <原本揀共乘既原因就係可以係民宿上下車

去清境架公車個中途有個轉車站，就算係直去公車都要重新上落車拍卡嘅，同埋喺呢度可以去個廁所先幾貼心

但佢廁所設計非常神秘。

冇分男女厠

但一入去就有兩個尿兜同埋三個廁格

重點係成堆女人喺度等緊廁格嘅時候，有個阿叔想去廁所

佢見有尿兜就直接解決。

佢係背住一堆排緊隊嘅女人(。

冇諗過佢咁唔介意有啲文化衝擊

尿兜個位係冇遮冇掩

然後好彩早一日check清楚先發現民宿附近有站落。咁其實冇共乘都得完全0影響 當初只係為咗有得揀民宿落車先想共乘

依家諗返起覺得好彩冇成團慳番啲錢

高鐵幾好坐!

係高鐵轉公車去清境，車站有曬指示唔難搵同埋唔會好遠!
而且會有staff係度問你想去邊唔使怕上錯車

到達民宿!
樓下係餐廳嚟

冇記錯呢度係我當初揾最平嘅民宿
我住嗰間房係冇窗嘅，同埋佢定位係畀背包客所以先咁平

仲有佢房冇冷氣嘅，但因為高山氣溫比較低所以其實好ok

唯一唔好係佢上落都係得樓梯，即係要抬行李上去。

好彩一早執咗個喼，將日用品塞咗喺個旅行袋入面
然後選擇將個喼放喺樓下 淨係抽走咗日用品個袋上去

間房都幾大www
好文青既公共空間

寄存完行李就見到出面有狗仔

行過隔離就有七仔勁方便。
入面仲要有 Mister Donut
買咗奶茶味。

但完全食唔出呢舊嘢係咩味。極難食

再行過啲有間兩層好chill嘅family Mart
終於搵到一間有雪糕買!!!!!
但可惜我入去問嘅時候佢話雪糕漿解凍緊，要晏啲嚟先唧到

隔離嗰間民宿又係勁chill 大家想住chill d去清境有好多呢類選擇

探索完附近就慢慢行落山去清境農場

想講呢日天氣好差。
望出去風景全部都係睇空氣

好似行咗十分鐘左右就到!
沿路見到超級多民宿
入場之前去咗間店望下有咩買
原本想買羊奶試下wwww但最後係揀咗雪條

食評係唔知自己食緊啲乜。 冇咩味但係又有少少騷 食咗一半就頂唔順掉咗(。

本身都有打算撚羊。
但見到佢哋好污槽唔係好接受到

真心覺得有潔癖嘅人唔好去清境

唔知點解成個高山都勁多烏蠅

個農場覺得打理得唔太好幾污糟下

仲要啲廁所唔知係唔係個日濕度高
全部廁所個地下都係勁潮濕。民宿都係咁

跟住就直接行咗去搵嘢食解決lunch
叫左個綜合，有山豬肉椒麻雞烤雞烤菇
原本仲想食埋竹筒飯但驚太飽就冇叫到
感覺就正正常常？冇特別(。
腸仔超級好食！一定要叫再加蒜食！
叫左芭樂同蘋果，都係冇特別(。

係中途本身諗緊去邊間叫竹筍湯飲，點知有檔好熱情隊咗一碗試飲畀我 然後就買左手信俾老母(。

本身係諗住回程先買野始終拎住唔方便 但我飲咗人哋嘢做唔到咁厚面皮走咗去(。
本身見到蒜片都想買。

然後由於太天真嘅關係，之後走咗落去發現已經太晏，行/撘車上到去啲舖頭應該都閂咗
結果喺清境買唔到其他手信

食完就去左觀山牧區騎馬
農場同觀山牧區中間有間蜂蜜舖
真係好撚多蜜蜂

淨係夠膽遠觀。完全唔想行入去

入到去未有得騎馬住，去咗9行
如果唔係有霧啲風景應該好靚

行咗出去一個好避嘅位咁 完全唔見有遊客

之後返去終於有得體驗!
其實淨係帶住你行一圈真係體驗

但難得嚟到又唔貴，點都要試下。

同埋想講好意外地教練係個好後生嘅囡囡

騎完就夠沖咗返去農場睇牧羊show
有狗狗牧羊J

睇完見仲有時間， 仲有成粒鐘先有馬術show
就做咗個好錯誤嘅決定 諗住行落去清境商，圈之後先再上返嚟。

就係因為咁樣，唔洗返去清境農場

落樓梯落咗陣已經feel到唔對路(。)
但已經返唔到轉頭所以我都係照行咗

落到去見到有菜檔，真係勁想買返香港

無記錯應該係國民賓館參觀影的(。

羊仔整得幾正wwww