第四週（5/3-5/9）
請自選三個（含）以上關鍵字並創作故事。
關鍵字：貓、蛋糕、森林步道、夜景、麻辣鍋、披薩、學校、鋼琴、白色、海豚、無名指、八卦謠言、籃球、心臟、偶像、帽子、時鐘、鬱悶、升遷、紅茶、跑車、賭場、剪刀、醫生、遺忘。

伊提起一支鉸刀，趁著阿姊咧睏的時，共阿姊的頭毛拈起來，用鉸刀對頭殼頂鉸落。
阿姊真寶貝伊長長的頭毛，逐工攏會用捋仔捋甲整整齊齊，我想欲攻擊彼个人，毋過伊傷過恐怖，我進前為著保護阿姊，捌予伊抨咧塗跤、予伊摔咧壁咧。
所以我干焦覕佇椅仔跤偷偷仔看，毋敢出聲。
彼个查埔是阿姊的阿爸，伊真佮意去一个叫做筊間的所在，我捌偷偷仔綴佇伊的後壁去看，毋過彼个所在亂操操，我干焦影一下著隨走去。
查埔人提起伊鉸落來的、阿姊的歸me 頭毛，笑甲嘴笑目笑：「誠好、誠好，共這提來賣掉，我著有本金通好贏倒轉來矣！」
我佇心內偷偷想，拜托阿姊好好仔睏，若是艱苦欲哭，嘛愛等這个查埔離開才來哭。
查埔捾咧阿姊的頭鬃，歡歡喜喜當欲離開，我嘛當欲對椅仔跤離開，伊煞雄雄斡過頭：「我煞袂記得，頂改彼隻夭壽共我咬的貓是死去佗位去？」
我閣覕倒轉去椅仔跤。