同阿哥幾年前叫做割蓆
除左紅白二事都唔會再喺同一場合出現

......不過我諗對住每個已反面或者分手既人
內心總會有一丁點希望係和好如初

然後尋日見到阿嫂post相
手痕click入fb
阿哥unfd左我

都幾傷心既 始終我有諗過萬一阿媽有咩事
咪又係要處理一d事
咁點都要聯絡返就算我心裡面條刺仲喺唔喺度

又或者我將割蓆諗得太簡單

但再loop返當日點解割蓆
再返去當時 我都應該...做返一樣既事
原則vs屋企人 我唔想揀不過佢地又真係對立左雖然當時情況唔係咁簡單

當我對屋企人呢樣野有咁矛盾既諗法
就開始動搖所謂移民既心
唔想再切斷同剩返既屋企人既關係

有次同朋友傾開移民
始終大家背景唔同 要佢明白我處境同心理狀況係無理
佢叫我賣樓+情緒勒索半強迫我阿媽同我一齊走
......我用左半個月定一個月先放得低佢個建議
作為情緒勒索既受害人都唔想用返同樣手段對身邊既人
叫佢走係咪對佢好？客觀條件係但叫個老人家斷晒親朋戚友又用晒英文生活...我諗下都覺得辛苦
同埋我要返工無得長時間同佢一齊適應...（即係養寵物都要陪佢習慣啦何況係同人去新地方新開始）

佢肯過去我緊係開心 掛少樣野
但迫佢過去我已經諗到佢...無朋友又會唔開心

點解唔開口問一條友諗咁多？
由細到大問到d地雷問題（咁多年都未拿捏到乜係地雷）
氣氛會一下去到冰點
好似你又做錯野咁
去到依家我都唔敢/好驚問認真野就係咁解。
都明既有d野唔係我講完朋友就會明

係啊講完我又深潛ga la

總之你先
我係覺得你又唔使悲觀到咁既...🤔
fyr米幫屋企兩老入左附近既退休香港人group...依家佢地個個星期成group人出去行街食好西 （而米煮緊公仔麵...sad）
買個安博盒又可以睇香港電視，睇醫生可以有廣東話翻譯，其實唔係真係想像中咁難適應 （尤其栗媽媽本身外向，識朋友應該易過米媽媽好多 ）
咁當然栗媽媽個意願係重點既.....
主要係覺得如有你真係認真諗過唔黎，咁我地都唯有接受，但係係因為冇問到/唔敢問而錯失機會既話，總覺得以後好容易會後悔...始終未來既香港.......嗯...應該唔係收聲做港豬就可以平靜生活既地方

semeil: 另一個問題係錢真係唔太夠
本身個plan係一個人過去+照樣供養屋企然後d錢大概第一年生存到第二年就食風都搞唔掂 係真係用晒所有儲蓄都搞唔掂果種然後我地個朋友太離地...有幾誇張就後話啦
米
我已經卡左喺個問題度成個月+壓力山大到濕疹類皮膚敏感又發作 想做自宅管理員既心又有了（ry

錢既問題如果你唔介意可以試下幫你計下...？🤔
理論上呢邊應該正常有工開都會夠使既...尤其如果栗有工先過黎已經贏晒啲起跑線（？？） 我主要係唔知你要供養屋企果份錢需要幾多...
如果你講緊果位朋友係曼城果位...佢樂觀到我有時都會好驚...但通常係呢種人先最容易成功所以我只可以當係我太小心

呢個問題如果好難短時間解決既話（應該都係），暫時放低一陣抖下先？ 推你上netflix睇齊木楠雄的災難（定你已經睇過），好解壓（？？？）

semeil: 我轉個平台寫出黎 的確係供養果份錢最大問題家用我其實比極少但居屋呢d穩升投資好難取捨
曼城其中一句我被嚇窒既金句：你依家每個月儲_k但係都計唔掂？咁每個月儲多5k得唔得？ 乜5k係可以每個月隨時變到出黎既一筆錢到底我同佢生存既世界有幾唔同
我已經好聽話（？）咁睇緊輝夜 石田陰公豬wwwww 好我bookmark左先

好
輝夜都係另一套解壓片 （雖然最新一季笑點少左好多）石上係慘但佢第二季係真男人黎
齊木有3+1季可以慢慢用黎送飯 （前排落唔到樓靠佢過日子 ） 「重啟」係最後一季黎小心唔好開錯