【神霄曆｜0512，牡丹社事件】
1874年5月12，日本出兵拍台灣原住民部落，這是通人知ê「牡丹社事件」。毋過，你敢知影牡丹社事件是按怎發生ê？
牡丹社事件會當講是言語袂通造成ê悲劇。1871年十月，一陣琉球人拄著風颱，船歹去只好佇台灣求生。In行到一个Paiwan部落，族人原底kā in收留，閣予in通食，毋過，in毋敢信任原住民，隔轉工，族人欲去拍獵，交代in踮厝毋通走，in煞偷偷仔溜旋。予族人感覺in無受著尊重，而且開始驚講in敢是海賊派來ê間諜，tō只好去kā in逐，並且因為語言袂通，尾仔煞kā in處決。
日本政府出兵其實是有政治ê考量。佇清朝佮日本簽ê北京專約內底，有講著日本出兵是「保民義舉」，日本政府自按呢tō認定琉球是日本領土。