因為大家都話SABON既DEAD SEA好用,而我覺得自己皮膚對LUSH既深層清潔已經冇咩感覺了就買左盒SABON黎用

我今次唔係黎推盒DEAD SEA而係想推佢另一個產品

不過先講下盒DEAD SEA,唔太FEEL到大家講佢幾有效去黑頭粉刺,反而用完覺得只係白左,因為最近都好努力改善膚色暗沉問題又加上我臉同頸有色差所以睇有冇白到都好明顯

一齊買既朋友都同感,黑頭粉刺未見效但白左
但唔知朋友HOLD左幾耐,我自己HOLD左2日左右就冇用完咁白了
目前只用左2次,唔知KEEP住用會唔會達到長期白

同佢用起上黎好方便,LUSH真係好鬼煩洗極都唔乾淨
但用完好乾要用返補濕MASK黎下又好煩(懶鬼)

係買時湊錢換個禮包之下隨便買左佢個蒟蒻洗臉棉($80)
當時覺得一舊棉要80蚊好貴 但唔想用腦睇產品下買左
🇮🇱以色列太太🇮🇱Sabon 蒟蒻洗臉棉 | 蝦皮購物

黎舊咁既洗臉棉真係驚為天人地好用

我以前冇買過黎類產品比較唔到其實係唔係隨便買個同類產品都係咁好用
但黎舊野真係好好用。

佢好用到我覺得效果重勁過盒DEAD SEA
用佢洗完幾次臉之後,番臉滑左好多有閉口既地方平左好多

有用開黎類產品洗臉既大家可唔可以話我知,係唔係都係咁好用

有用過差唔多既洗面蒟蒻，但平野嚟，覺得無你講咁神奇
所以真係一分錢一分貨？

Ching1998: 未用過真係比較唔到
但連我朋友都話塊棉好用過盒野
同我洗左幾日後有時連平時用開既去角質爽膚水都覺得唔洗用直接上精華液

我覺得佢值80蚊可以試下

yimhong: 咩話。搞到我真係想買舊嚟試下

Ching1998: 試下都唔壞~80蚊如果岩用就真係好抵

$80 咁好抵，好吸引
閉口既最煩

我都係用LUSH清潔面膜xD 你講完我都覺佢舊蒟蒻好吸引好想試!!!😳但洗完濕嘅係咪就咁掛起佢？我試咗佢個薄荷磨砂洗臉覺得都幾舒服但唔識分好唔好用

harryalice: 咁佢又冇勁到洗走閉口不過覺得係有改落摸落平滑左！日日都要洗臉用到的話80都唔算貴XD

mon109: 個店員同我講掛起就得，但佢從來都冇乾過 我就用完洗下佢盡量揸乾掛起就算
我用左幾盒薄荷覺得愈黎愈冇用所以試下其他牌子,不過佢個菠蘿洗臉好用

yimhong: 平左都算係咁 有機會試下

yimhong: 唔知係我皮膚差咗定隔太耐冇敷(懶) 試下用密啲先🙈LUSH之前有推薦粉紅色嘅洗面膏，但我試完覺得好難洗...朝早趕住出門用會好唔方便
但如果用蒟蒻係咪要配合洗面奶/洗面膏會超泡嘅好啲？🤔佢地隻磨砂洗面冇泡的

harryalice: 80蚊試下都唔算心痛！

mon109: 佢盒裝既洗臉都好難洗 ！我試過佢隻壽司洗臉膏同黑泥洗臉，洗完用爽膚水抹都重見到黑泥d黑色 （但除去難洗，個洗臉都幾好用），所以之後只買菠蘿果隻好易洗
我都有用磨砂為主冇咩泡既搭舊野用都得，覺得舊野吸左水打圈就洗到！

yimhong: 咁勁!!! 80蚊嘅蒟蒻真係唔同啲ww 下次去睇下先😳 如果易啲洗走，下次都可以試下菠蘿個隻，佢啲嘢好香所以用嘅時候會心情好xD