【神霄曆｜0415，由攻破大船看台語現代化】
1912年4月15，一條予做Titanic ê大船挵著冰山沉起去水底。這層代誌佇仝一年ê六月佇臺南教會報內底報導出來，標題號做「Kong-phòa tōa-chûn(攻破大船)」，可見臺灣話佇彼時是足有國際觀ê。濟濟人叫是台語綴袂著時代，毋過其實一个語言綴會著時代抑無，是愛透過咱平時仔ê使用來幫贊伊ê現代化。只要咱願意用台語來探討世間萬項代，台語tō會當成做一个仝時奮躍ê語言。