上年加年頭積落嘅鬱鬱心情一抹掃晒之後今年整體來講心情幾好。睇化咗好多嘢又加埋開始咗做吓運動身心來講整體都健康咗。

本年度最大成就！！！成功轉工！！！！而家返咗三個星期新工，感覺OK！！！可以轉到同行係我最大嘅感恩 工作內容嗰啲要重新捉摸過老細嘅心呢件事少少難，不過最難都係要講英文。agent 明明話係Japanese speaking，結論成間公司連日本人都係講英文。

今年有藍毛毛同金灰毛毛。
然後經過人生咁多年我終於發現自己唔適合左右留兩執頭髮。同埋都唔啱內捲。

外翹真係好睇好多 同埋我覺得我好岩金髮

下個星期就去剪髮。未諗到點剪。我仲係未放棄中分，但我個額頭仲高過日高搞唔掂。然後終於發現唔啱左右兩執嘢剪wolf又搞唔掂。點算。在線急。

今年出咗好多街同大家睇咗好多live view食咗好多飯仲開咗好多次Home party 。覺得開心。我鍾意充實嘅友誼活動

今年終於自稱埋自己係カズラー。追星身心有益呀。

本年尾最充實活動係睇咗美しい彼。點解佢咁短。

Cos左四次。值得紀念嘅Johnny係用真髮。

同埋今年一次都冇出過國！！！！吓！！！我已經由嘆氣唔開心變到冇感想了。幾時先開關????幾時先完肺炎?????????

又講返工作。而家呢份工前後差唔多搵咗九個月至一年我先可以成功轉工 途中都唔知經歷過幾多次搵工灰心，同前公司比我既無謂壓力同煩惱。簡直係愛與恨嘅交纏。點解我會做到五年？真係因為愛啊 ⋯⋯

今年真係冇乜嘢可以記錄。展望下下年。
來年嘅目標有努力工作仲有學習點影嘢食相⋯⋯
同保持快樂同健康嘅人生。