2
我好努力解釋我想問既問題，但完全組織唔到，點講都只係顯得我喺度無理攻擊對方。
個背景一路推移，變成我真係去左佢地studio門口，開電腦想搵返張圖出來問。
對方現女友出唻，鬧我點解可以講咁耐廢話，佢地而家要同我父母去食2個鐘飯，要唔要一齊。
(設定係我地一家人去旅行咁啱去到ex studio附近，兩老就諗不如順路去探下佢)
↓

3
我跪喺地度問，可唔可以答左我先食飯？
我而家心中只有仇恨，只想用仇恨唻創作，但一諗到畫左出唻會有人唔開心，就郁唔到手，所以好耐都創作唔到好辛苦，到底點先可以唔理人感受唻創作？

對方話幫我唔到，就落閘走左。
個夢就咁轉左去搵唔到車搭系列。
↓

4
醒左之後諗諗下，雖然現實中個ex並唔係漫畫人，亦無畫過呢類野，但個夢其實係反映我自身最大既煩惱。
例如一句「藝術家就應該紀錄真實的感情」就可以畫傷害舊愛既post；
例如身為創作人，完全唔去理解一個議題就用自己照字面既FF唻攻擊人；
又例如獨醒派創作人永遠覺得全世界無腦。
而我真係諗唔明，創作人可以咁架咩？
諗野唔係應該全面d架咩？
↓

5
諗返，會發呢個夢應該係因為沉日同朋友互相問候期間，朋友問我最近有無創作。
我話無，因為最近凈係諗到d以仇恨為出發點既創作，太多睇唔過眼既野，但如果真係用呢d主題創作又覺得唔應該，就唔知應該畫咩好。
佢問，咁多仇恨，咁唔辛苦咩？
我答，係好辛苦...但擺脫唔到。

引用返果句令我仇恨既句子，就係「我就是一個這樣的藝術家」。

我覺得以仇恨為出發點嘅創作仍然可以畫啊
但想"分享"俾乜嘢人睇反而先係煩惱

始終創作人太多種，大把我覺得性格都有問題嘅創作人
我諗應該冇正確答案吧，sor答得好模糊，純粹想建議就算係以仇恨為動力，都可以去畫~

我會在意既原因係，
1來 我會好怨婦mode，成個絕望老師咁(?)，
2來 如果對方反擊變引戰，我會carry唔到(除非對方都係用創作反擊)
3來 就算唔鍾意對方，都唔想因為咁而詆毀對方聲譽或破壞關係(?)，畢竟就算對對方人格幾反感，香港創作人之間既惺惺相惜都唔會消失

或者用隱喻形式會比較妥當......
但畢竟有d人，就算係創作人，都係永遠睇唔明隱喻同曲線既🤦🏻‍♀️