關於「腔口戰爭表單」
1. 有一寡仔音節對平常時無接觸羅馬字个參加者來講較難，佇遮提供注音符號對照：「省」讀「ㄒㄧㄥ」請選「sing」，「省」讀「ㄙㄝ」請選「senn」；「做」讀「ㄗㄜㄝ」請選「tsere」，「做」讀「ㄗㄨㄝ」請選「tsue」，「做」讀「ㄗㄛ」請選「tso」、讀「ㄗㄜ」嘛請選「tso」；「先」讀「ㄒㄧㄢ」請選「sian」、讀「ㄙㄝㄣ」嘛請選「sian」，「先」讀「ㄒㄧㄣ」請選「sin」。
2. 「糜」（稀飯）內容更新做 ber、be、mue、me、bue、muai、mai、ma、moi、mua、mui，攏總十一種變體，點連結入去會當看著新版。
@sehsehliam - 「腔口戰爭表單」攏總有兩頁，歡迎分享到各大社交網站><
1. 有一寡仔音節對平常時無接觸羅馬字个參加者來講較難，佇遮提供注音符號對照：「省」讀「ㄒㄧㄥ」請選「sing」，「省」讀「ㄙㄝ」請選「senn」；「做」讀「ㄗㄜㄝ」請選「tsere」，「做」讀「ㄗㄨㄝ」請選「tsue」，「做」讀「ㄗㄛ」請選「tso」、讀「ㄗㄜ」嘛請選「tso」；「先」讀「ㄒㄧㄢ」請選「sian」、讀「ㄙㄝㄣ」嘛請選「sian」，「先」讀「ㄒㄧㄣ」請選「sin」。
2. 「糜」（稀飯）內容更新做 ber、be、mue、me、bue、muai、mai、ma、moi、mua、mui，攏總十一種變體，點連結入去會當看著新版。
@sehsehliam - 「腔口戰爭表單」攏總有兩頁，歡迎分享到各大社交網站><
3. 假使汝符合以下任何一項，表示汝有「老泉腔」，也就是「保守个泉州腔」：短 ter、魚 hir、豬 tir、思 sir、雞 kere、做 tsere、語 gir、據 kir、書 sir、近 kirn、恩 irn、濟 tsere、歲 her、蔘 serm、糜 ber。
4. 假使汝符合以下任何一項，表示汝有「老漳腔」，也就是「保守个漳州腔」：取 tshi、省 senn、兩 noo、批 phe、門 mui、飯 puinn、蔘 som。
5. 無法度直接對填寫結果看出參加者个故鄉佇臺灣啥乜所在，因為臺灣逐縣市攏是有泉有漳，無可能用泉、漳「反推」地點，而且少年人受主流腔口个影響真大，一个鹿港少年人佮一个高雄少年人填寫結果一模一樣是完全有可能个代誌。若真正想欲知影地點，聲調、詞彙才是重點，但是這張表單是以韻母、聲母為主，並無詳細調查聲調佮詞彙。（足有名个「臺語口音微測驗」嘛是仝款道理，分數對應地點是「一對多」，一个人若著 28 分，咱干焦知影伊講漳腔，無法度知影伊講个是宜蘭漳腔、臺北漳腔、南投漳腔、桃園漳腔、臺中漳腔抑是別位个漳腔。）
