係DM5睇緊有咩漫畫update左時, 突然睇到一套應該已經完左好耐既漫畫 - AKB49, 出左一頁我唔知點解叫"fanbox"既更新, 令我由頭更新睇返

記得當初聽朋友係中大搞既talk ("2次元與3次元之壁"), 而知道AKB48既時候, 對佢地既印象其實好一般, 甚至對有明顯logo既高橋南印象更差 (因為我本人唔太鍾意被塞萌點...馬尾除外(妖))

當然, 當時既我自己, 對呢D三次元偶像其實興趣缺缺

係聽完talk之後既一段時間, 見到有AKB49呢套漫畫, 諗返起朋友個talk, 雖然覺得都似係AKB48既宣傳漫, 不過諗住姑且一看啦

一開頭講男主為左跟住想報AKB既女主, 誤闖AKB48成員既更衣室, 第一反應係"屌, 又係後宮type?", 但我錯了; 之後竟然係男主為左幫女主, 扮成女仔去助考, 當然毫不意外就係連佢自己都"中獎"

本來覺得跟住都係搞笑宣傳劇(宣傳AKB48成員), 唔太想睇落去, 但而家諗返, 係慶幸自己當時唔知點解仲有耐性睇落去

男(女?)主一直既努力, 貫徹左AKB48既核心精神 (理論上啦, 我都明現實係可能有好多污糟野收埋係檯底下面, 不過有冇都好, 唔影響我後來既諗法), 最後雖然免不了都係要向AKB成員同埋fans穿煲, 不過大家都明白佢既努力, 承認左佢係一個偶像, 而冇人揭發, 而影到佢"秘密"既寶春砲亦被支持男主既有力人士壓下來 (文春砲表示"你老母串我?")

AKB49係一套好好睇, 好正統既熱血偶像漫, 中途已經超脫左宣傳漫既範疇

再黎貼一下我係AKB49既推, 有栖莉空! (現實既AKB48我既推係優叔)

我本身唔太鍾意貓系既女角, 不過佢例外, 因為佢為左男主真係太太太太太偉大了

因為AKB49, 我亦都走左去睇AKB48既真人, 睇下係唔係真係咁值得被描寫得咁好

事實係, 賿過AKB48既歷史同埋一大咋片之後, 我有自己既推了 (上面已述, 雖然其實我係有轉過推...初時係推總長(高橋南)的, 但優叔既搞怪個性太合我口味)

而因為優叔既關係, 甚至我係我既小說既story line入面, 加入左一個新既女角, 優．歌莉絲 ("歌莉絲" -> コリス -> 優叔既外號之一). 當然, 我唔會為加角色而加, 成個logic已經度好哂...雖然小說本身就斷寫左好耐就是 (妖

而因為返睇AKB49 (甚至仲係東立度買返全套AKB49中文版以作支持), 燃返起我寫小說既熱情 - 有D野真係趁仲後生好做左佢, 先可以好似男主咁, 退落黎都可以無怨無悔 (當然我唔會扮女人的)

所以, 算係俾個目標自己: 黎緊2020年6月既原O, 點都執好"千變萬化的偶像"呢部分, 甚至完成"魔法的科學主義"第二冊 (偷偷宣傳)