人際關係真係一門好深嘅學問

前前後後應該識左十年

話斷就斷，正常嘅，只係冇諗過由對方提出，仲要係咁乾脆

雖然先行想斷嘅可能係我，大約一、二年前開始

我諗，想斷關係總唔會係單一原因

從我角度，我樽頸左咁耐，你引導唔到我突破。其次，有心定無意，你真係好識講d唔好笑嘅說話，一而再再而三。

而導火線係今次你學生病

你覺得係我傳染佢，你可以直接d同我講，唔想我過嚟上堂咪順延囉

特登講佢好可憐點點點，send埋佢張醫院喊相比我

你話你只係關心我，呵呵，如果你唔係蠢，就係故意

我唔識你學生，我都唔認為send學生私人相比陌生人恰當

目的昭然若揭

但我係個善忘嘅人，我知道依少少問題可以隨住時間當冇事發生，我可以如常上堂

只係，不是現在

我無法如同平常上堂傾計、眼神接觸，無法回答「到底嬲緊d咩」

因為我知自己容易講多兩講就情緒失控

無論係對自己尊嚴定上堂進度都唔容許

比多兩星期時間我，或者就可以

而且上堂就係上堂，我覺得傾少d計幾有效率，唔差

要接收嘅知識我仍然會全數接受

冇諗過上完僵硬嘅一堂就話「我唔鍾意工作受氣，而家就退返學費比你」

嘛，唔，藝術家脾氣
或者唔捱得

well, whatever, 係有d唔捨得，都唔明點解可以咁乾脆

終於覆左佢訊息
講得都幾白，應該唔會有咩好後續

雖然上星期收到佢訊息，第一時間確實係好想即時斷絕關係。但情緒過後，都係不捨

人類點解要有情感

總之而家我想換老師係事實，佢唔教都係事實。根據經驗，過兩日心情就會回復平常

剩低嘅路自己走到，應該，希望得

多謝噗浪，起碼有個發洩嘅地方

想冷靜，想轉移返個視線

好想嘔

冇乜食慾

明明瞓唔少，都係攰

希望唔關事，唔想因為d咁仆街嘅事影響日常

好想unfo佢，但又想自己顯得大方d成熟d

點解我做人咁麻煩

根本已經唔止係講者無心聽者有意嘅問題

唔好成日話識我咁多年，你知我咩性格blahblahblah...…唔係識得耐就可以原諒、當冇事發生

我反而懷疑自己對眼咁多年係咪盲嘅，竟然唔知你係咁嘅為人同操守