其實目前所有民間記者會/新聞處立場都好清晰，講左佢地絕對唔會（亦無能力）呼籲行動，只會收集聲音，透過傳媒傳俾大眾，中和政府agenda。如果你地好擔心佢地會過濾聲音，咁咪加入去做監察，或者俾意見應該點做囉。

唔好同我講民意唔重要，否則唔駛做完嘢檢討後發覺出咗問題，或出面道歉，或打大量文宣戰。抗爭唔駛個個支持，但必須唔好大量人反對，5年前輸得咁慘，就係民間都出現逆轉。你估對家真係全廢？佢哋有嘅資源係我哋嘅一百萬倍，除咗犯錯同蠢，其實仲識移花接木，偷圖改字，以偏蓋全。所以先要有更多衝破同溫層嘅方法中和對手影響力。所謂「奇正之兵」，正兵主攻，奇兵預備隊循唔同角度突襲，對手點諗到我哋有預備隊做記者會？

再者，如果一個聲音咁易變成大台，變成大台就會影響民眾，咁作為目前最大台的衝衝子，同後排之間既互相不理解就一早解決曬啦。

唔好剩係將「各自爬山、不阻止不割蓆」拎嚟做綁架和理非或者其他人嘅口號。
如果大家都真心信奉民主，繼續屌鬼屌冷氣軍師屌和理非質疑人地係五毛之前，不如下次企後少少，聽下現實中後排聲音先。前線勇氣爆燈，後方多時間睇情報會易啲掌握變化，互相配合先係不割蓆不分化之道。

引返今日一篇高汁文。
書生百用

一堆人屌民間記者會會變成大台 <<< 嗰啲應該全部係鬼嚟...佢地知道呢個可以對抗到下晝4點鐘警訊. 所以要盡快拆咗呢個記者會./

唔係囉，好多認證熱普城朋友都咁講

見到朋友同嗰啲PAGE 嘅討論, 只要你稍為有唔同意就畀佢耍走, 成件事真係好鬼.

我相信佢地唔係鬼, 係自我中心割蓆撚

根本唔打算聽後排／和理非／左膠／街坊既諗法，一質疑就屌係五毛。
放火都唔割蓆，記者會你地割乜撚？

我底線係傷及無辜，如果衝衝子再放火燒紀律部隊宿舍，唔該諗清楚消防員海關入境處有幾多手足，又有幾多手足同藍絲屋企人反目成仇先。

熱普城喎=-= 只要你稍有質疑佢, 佢就覺得你唔係同路人, 就同你分開啦.

Maurice_YinYin: 鬼就唔一定係，而且唔止熱普城屌，有啲恒常行得前嘅政評真係好大力屌緊

我都見到兩邊都互屌得好緊要，問題係行得前果批唔肯聽人講野，唔理民意開始反感。
一句講曬就係，如果大家真係爭取緊「民主」，咁點解可以決定無視民意？

siumou: 因為兩邊都視對方唔係民...所以唔駛在乎佢地嘅意.