身體唔舒服？

Mt_deeper: 心好累，個人覺得好煩躁
根本成個星期都唔想返工，每朝都撐住同自己講返去都坐坐，返啦…
日日都有d 時間其實好想喊
呢一下個心情好想回家

saros_an: 我諗…係米呢份工令你唔開心了，我都試過類似狀況
人事唔特別點，但人唔夾。工作又冇成就感。主要冇乜歸屬感。呢個好重點…你有冇考慮轉工個d？

Mt_deeper: 應該就唔係工作問題，我份工真係無野做返去坐，可以打足一日機，
本身我勁低學歷又無技能，ps, ai ，英文都唔識，返到依家份工其實已經好還神

但我成日覺得工作外既自己好差，搵錢唔多都算，我夠用，屋企都夠用，但就係會覺得人生好失敗，咩都做唔好好想喊留係屋企咁

saros_an: I see…又唔好睇死自己咁，因為世界都有好多神奇人都有工做既，自己都做過文職都有exp唔算去到好乜咁。當然要再想更多發展，其實就需要增值自己~
咁你有冇打算進修下？但前提，對乜有興趣。政府有持續進修基金~錢都有得搞~
同我覺你手藝幾好，正職就當存錢/hea當日晨，然後自己發展下手作個d去經營副業？接下單做cos服/娃服/市集/網上小店？

Mt_deeper: 我岩岩出黎做野個陣用左筆錢黎讀日經(但無繼續讀所以唔叫識日文)
我自己睇返工就真係拎黎搵錢既野，是但搵份工維持收入就算，無咩想無事業上有咩搞作的心(所以我係真心覺得做設計既大家會人才，ai ps 排軟件，3d cap 好似咩都識咁，有時我會心底裡因為咁抬不太起頭，因為我自己真係咩都唔識)

依家覺得心情差既事態嚴重係我居然對自己好似最上心最有興趣做既野覺得好累，唔想做
無左個重熱衷…我覺得好慌
因為呢個係維持我自己成個人既重心

我都經歷緊⋯
我諗我比你更衰嘅係我唔想再打工而決定自己用自己力量賺錢，收入少連家用都比唔到了。其實係攰因為所有野都一腳踢，但我連見工/再同任何職場合作嘅勇氣都冇了，加油啊安娜覺得係暫時冷淡期，遇上新喜歡作品/對舊作戀情回歸就會有動力了

siu9: 九九 只要係覺得自己過得舒服，對得住自己，其他野都可以一步一步誇過去! 唔洗跟平常人行既一套

我諗我真係要認真地管理好自己，以前無論d 野幾煩，人地覺得幾難做，我都唔覺，都會落手，做錯晒要掉野都覺得好開心，依家竟然會出現唔想理，推埋一邊，覺得自己係交功課既心理，諗C3完左，我又要重新調整返個人

三日唔埋兩日就痴線咁，我都唔想自己咁

saros_an: 人有情緒起伏係正常的
同人講冇返工真係好廢青，但我又唔係未返過工 自尊真係一個好大圍牆
我諗而家動力係靠自己一個出人頭地

siu9: 我d 情緒變化真係大到有時自己都覺得疲倦
九九一定可以, 我信你一定可以出人頭地!!!!

saros_an: 女人更加有合理理由大情緒變化！你接受到呢個事實你個心會好過啲！ 有時唔到你控制
安娜都可以！大家都鐘意你同你嘅作品

siu9: 多謝九九 我地一齊加油

安娜你手藝咁好可以試下接freelance做小手作
既然響正職得唔到滿足，可以嘗試響空餘時間做自己有能力做嘅事
識做Design嘅都係落左好多苦功先得到依家嘅技能，無人係一出世就LV999
最緊要自己過個心安理得就得，唔好同人做比較，應該係要用『學習』嘅態度黎看待
要看清自己長處同短處呀

或者可以做一啲自己從來未做過嘅事情，可能從中會搵到啲得著

大家一齊加油!!

writingdrawingdream: 我有諗過，但好似成日都信唔過自己幫到人整，擔心比人睇自己野手工好差又慢比人笑咁都出黎做生意，平時係自己用既野我覺得唔夠超級好都算…但比人就好驚
雖然我知自己潛意識係想，都要試下
好想靜靜地學習下d 技能，我真係好怕比人笑，
我諗我最應該要學習下唔好玻璃心，唔好咁在意其他人反應

成日覺得自己人格分裂咁，係其他平台同一時間可以開心嘻嘻哈哈，但返黎噗可能因為人少少咁又咁多負能量post

手工差唔差覺得好睇對方嘅接受程度，至少我覺得你做得好好呀
你話驚出貨慢嘅，可以揀單黎做，先接一單簡單嘅，要set個限期俾自己同個客
睇下自己能唔能響限期前完成，如果都得嘅咪接多幾單做
不過依家最重要係你要先突破自己(好鬼熱血ww)，唔好驚唔好怕
試諗下小出久一開始都係驚到瀨屎咁都要救佢男友你就明架啦(超錯)
依家最大敵人係你自己啊
大家都係普通人都有七情六慾，放下負都無野嘅

writingdrawingdream: 回想當初我真係因為出久突破左自己，一步一步向前，覺得好感動…所以我先咁鍾意佢
真係最大的敵人是自己，我欠缺左平靜自己，調整自己既時間 明日訓醒再好好對面生活 要加油加油