Tâi-oân tó͘-sū goân-pún bí-lē, siū gōa-pang thóng-tī liáu sò͘-pah-nî.

sui-liân eng-hiông tài-tài pòe-chhut, khó-sioh lóng poàⁿ-tô lâi hi-seng.

kham-khia̍t lō͘-tô͘ koh hong-hō͘, bîn-chú-ūn-tōng ji̍t-ji̍t tōa-chìn-pō͘.

lán tio̍h phah-piàⁿ, chhian-bān m̄-thang lóe-chì.
pâi-tû bān-lân, chiân-tô͘ bô-hān, thoân-kiat chiū-ū ǹg-bāng.

lán tio̍h phah-piàⁿ, bô-lūn jīm-hô chó͘-tòng.
pâi-tû bān-lān, chiân-tô͘ bô-hān, ióng-kám ê Tâi-oân-lâng.

pâi-tû bān-lân, hû-chhî saⁿ-khan, kiàn-siat lán ê sin Tâi-oân.