住私家醫/病比例冇咁惡劣都咁樣，我已不敢想象公家會點......
.......................................

- 特登call護士叫佢幫手叮返熱雪櫃入面份西多---而佢係有親友在場嘅。
- 醫生講完就同護士講話醫生冇解釋，護士講完又話護士冇解釋。loop咗一日。而佢又係有親友在場嘅，做乜唔聽埋？
- 啲服務態度好過酒店... 我住普通房jar喎？ 啲笑容仲多到我想叫佢哋抖吓。

- 手術等候位嘅staff們做嘢比較趕同緊張(瞓喺床到聽到對話),但一對住啲病人就即刻0.1秒變臉用服務mode。你哋需要心理輔導不...?
- 同房有條老友記夜晚每個鐘call4-5次護士問同一個問題，護士們唔打柒佢仲笑騎騎答佢嘢真係好叻。屌你日頭又唔撚問？

- 最深印象應該係朝午晚零晨再第二個朝午晚零晨，唔知連續過咗幾多更我都見到同一個學護囝囝嚟派藥量血壓。到搞出院手續又係佢，於是我忍唔住問：點解你喺咩時間都開緊工咁？
囝囝答： 我係咪老是常出現呢~
100分。

...............................
- 我同想轉返做醫院工嘅阿哥講：你真係做得嚟？ 出面啲客(病人)冇得好似入面啲人咁畀你屌喎？你睇吓護士姐姐啲態度好到...
- 佢沉默ed, 然後話自己實習時真係一時改唔到串個病人串得勁應然後被投訴wwwwwwwww

.............................
附錄(1) 西房客
- 朋友講咗句：喺醫院係完全休息唔到。
- 每晚(+日頭...)都有轟炸式嘅鼻鼾聲，熟睡如我都瞓唔到。
- 啲仆街客傾電話傾到十一、二點都唔停，仲要大聲。
- 啲仆街客嘅親友講嘢極大聲。仲探訪到過鐘

- 半間房都係操唔流利廣東話
- 不過西客係無分國藉嘅。
- 女病人真係煩過男病人好多好多好多

- 有人勁大聲睇片
- 極樂啲，有個老友記播啲打齋佛歌，CLS

- 啊，仲有個訪客發表咗兩個鐘+嘅「食肉作的孽」個人論點演說。CLSSSSS

.........................
附錄(2) _事傳千里
- 等入手術室時瞓著咗，畀麻醉科醫生拍醒話： 唔好瞓啦做手術啦！( 大家都笑咗)
- 朋友帶咗即食粟米嚟放滿哂櫃頂，多到一個點係護士見到後大爆笑w

- 等做手術時醫生剛到，佢第一句：喂，Hi~
我心諗：你邊位？
- 護士核對資料：你個醫生叫咩名？
我： er......唐.......er.......
護士： .......ok, 唐XX醫生係咪/
我： 啊，係啦！
(其實我真係唔記得醫生叫乜名)

- 本人嘔到九彩但朋友嚟試醫院嘅豪華餐單。於是檯面同時出現燒春雞(朋友's)+ribs(朋友's)+粥(我嘅)。
開緊餐時醫生+學護囝囝打開簾，勁老尷w
佢問：你又話你嘔！？
我： 我食緊粥jar果啲我冇份ga!
全場膠笑。

- 第二日我叫咗沙嗲牛肉菇粉絲，又畀護士懷疑 (其實係畀屋企人食)
- 拎粒藥但甩咗手，搞到學護囝囝要幫手揾。我唔係有心ga我唔係變態啊！
- 醫生問：傷口痛唔痛？
我： 完全唔痛，反而我個胃痛d......
(果一刻我懷疑佢懷疑我食咗大餐抵死...)

..........................
大概係咁。

返咗咁多年辛苦工，依家被迫做廢青休息又幾開心

執藥囝同老是常出現囝係同一人？（我FF緊）

mmmeei: 我答咗未？ 係。