夢到小Ｂ大得好快～已經係小朋友，小學生～不過又係見唔到丶抱唔到小Ｂ…
個夢好怪，個世界同依家有Ｄ唔用，我係屋企用完電腦出去，之後迷路…行左好耐都揾唔到返返屋企ge路，因為個世界同我依家住ge有Ｄ似，但又有Ｄ唔同…熟悉ge建築，但地理位置唔同…行黎行去都返唔到去…之後見到有個男人，佢俾左部電話我，叫我聽，我知道係夢入面我同個男人係識的，但現實我未見過佢，當時夢入面ge我都意識到現實ge我唔識佢，但呢個係夢，我係應該識佢。

個男人同我講「我唔係好明佢問Ｄ咩？你答丫～」所以我接左佢部電話，原來係小Ｂ打黎！小Ｂ「媽媽，ＸＸml即係幾多？」果刻我記起我係夢入面係有個女！原來小Ｂ肚餓想食公仔麵！但屋企冇人！等左好耐都冇人返黎！我好奇怪，點解屋企會得小Ｂ一個？夜晚11點啦！我叫小Ｂ千祈唔好用火，媽媽盡快返黎，媽媽電腦檯左邊有包餅，食住先，小Ｂ好乖聽話揾到包餅。

跟住我都好努力咁諗，到底屋企仲有Ｄ乜可以俾小Ｂ食，但諗極都諗唔到…因為果個世界唔係現實個世界，夢入面屋企ge狀態，我只係記得出門前最後見過ge電腦檯…諗左好耐，都係對夢入面ge屋企毫無印象…所以收線，快Ｄ返屋企見小Ｂ。收線後，個男人唔見左，又得返我一個人…想截的士返去，之後個夢就完左。結果都見唔到小Ｂ…

我係咪穿越左去異世界？去左小Ｂ已經係小學生時ge世界？小Ｂ仲同我一齊～不過我又會留低小Ｂ一個ge？太奇怪…一定係我穿越左，個腦仲係現實世界ge記憶，所以先至會留低小Ｂ…

知道異世界ge小Ｂ成長左，我都好開心，尤其聽到小B叫我"媽媽"~雖然見唔到面...小Ｂ快Ｄ返黎啦～我地係現實世界見丫～