是咁的 就係呢 原來 正常一個頭係有佢既比例係度, 最近我真係學到好多野)就係點解好似大手係崩得極少就係因為佢研究太多關於人類既野(好似講緊廢話但其實好重要) 之前我一直都唔覺 一直憑感覺同大概畫樣 有D崩有D唔崩 我就開始用 個陣精力不足OR個日眼殘手殘 其實唔係 係本身我已經無個個CONCEPT 例如耳仔係隻眼到個鼻 畫多左 畫少左都會變奇怪

當然我仲有排學 BTW 我都係仲有好多最近日日龜係屋企除左同月月吹水同睇書同練素描我其他都唔做 (家務沖涼乜乜乜D碎事同正常會做既事唔好計啦) 其實我每次畫完(我指認真畫(求其亂線個D唔好計)次次畫完我都會係到諗 尤其是最近我發現原來對手個摺位係去到腰到 畫多左又會變成路飛對手

屌1999 太多野想講 姐係咁 最近唔係睇書 我都唔知 原來素描好重要 (我睇梵高同所有藝術書都講初步最先學應該係素描 如果唔係你一世都會搞清楚D光暗位應該點搞) 例如我有研究D勁人 例如犬型 荒木 天野明 之類 個勁人到底點搞光影 但因為人地實在練得太流暢到一個地步 我睇完都完全唔明 個位係佢D陰影打得太理所當然

仲有唔好信D 咩唔臨摹支持原創 咁樣係個伏 我之前係FACEBOOK 竟然睇到人LIKE 過 因為臨摹唔等於唔支持原創 臨摹係用黎知道 舊野到底點畫 個比例應該大概係點 就係當梵高同大量藝術家都同你講 你會係臨摹裹面學好多野 唔知你地信唔信 雖然我都依然係有D朋友唔信 但我就會信

諗諗下我都好驚26號要出去見人講野會1999 唔出街唔同人面對面溝通講野真係會好似上次讀書會咁講野1999 成日將JC講成JD之類 雖然係咁 但係點解而家好似D中學雞搞緊讀書報告 要講一萬字關於研究心得

好啦我仲有咩可以講 我都覺得好神奇 有邊個估到我咁多年黎鍾意睇尼采個類哲學再加日本文學 但今時今日我竟然走左去研究藝術 好似唔知半個月前我仲會諗 點解會咁點解會畫得唔好 完全諗唔明 但而家睇完一堆書之後我就發現 因為你無咁咁咁 所以你咪咁咁咁 姐係話如果俾多D時間我 我覺得我真係可以開始覺得滿意

題外話 梵高同佢弟弟有基情(因為梵高一死左 佢熱愛哥哥的弟弟(本書真係咁寫)幾個月後都跟住死左 而且咁多年黎都係弟弟包養緊佢哥哥 因為梵高D畫 我唔知賣左幾多張啦 但總之靠佢D畫佢係會餓死 之前聽王宛之首歌 話切耳乜乜乜 就會以為佢一定好抑鬱 (唔痴線其實都幾正常(又廢話 但我鍾意

事實唔係咁 睇佢寫左咁多封情書俾佢弟弟 其實佢係個純真同有執著精神既人 真係對藝術好熱情 同我之前既諗法真係差好遠 不過諗返起我都傻仔黎既 搞藝術既人無熱情可以搞咁多畫咩 真係無邏輯傻仔 HEHE

我鍾意自己!!!!!!!!我鍾意自己!!!!!!!!我鍾意自己!!!!!!!!我鍾意自己!!!!!!!!我鍾意自己!!!!!!!!我鍾意自己!!!!!!!!

一秒變自戀狂YO

雖然我覺得我既難題仲有好多 我到底要點樣捉住仗露既表情之類 如果仗助會有我畫既E張表情咁一定係露伴上身( 因為我想像既仗助應該係更型先岩

BTW 我只係純粹想吹下最近收到既料 覺得開心: D不如俾我廢青一年我會進步好快架(無錢(

即使PS4送黎我都唔會沉迷遊戲架(

如果而家有時間有精力我都做左其他野我會後悔 快D 愛我啦

我愛你 自己講 YEAH 開心!!!!!!!!!!!!!!!!!!!!!

乖啦食飯啦唔好曳

其實畫人體真係要睇好多好多人體解剖既書或者圖或者生活照片諸如此類……
五官、鎖骨位置頭身比etc都係靠睇得多試得多抓穩的
得閒既聽日一齊研究XDDD(喂
一齊加油！！！！

grok: Sorry ar faa gor wwwwwww

xolmu: 冇野wor www

grok:

xolmu: