可能我認真左
但
Credit又唔係耐 又有OST聽
我唔明囉雖然一堆字但都唔肯睇埋
到底係咪真係咁趕時間
點解就係抗拒睇end credit
心血黎咖喎
係呢班人做你先有得睇咖喎
但自己睇完嗨完就唔睇下邊個做

我覺得 End credit係電影不可或缺既一個部分
真心無睇的話
我唔覺得自己係完整咁睇左場戲
唉可能香港人真係太趕時間

最唔開心係
我睇梗 有人走 會踩到我腳
又會擋到我睇
有啲行到中間企係度等人
真心離譜
跟住執場既 有啲又會叫縮腳
我心諗 我戲都未睇完
點解要趕我走
一見啲人走就眼火爆

我當下係勁想喝住班趕住走既人
唔通要跪係度求你地先肯睇晒！？
啲爸爸媽媽又可以同佢地阿仔阿女講
「睇晒啦 無野睇啦 走啦」
咁樣教小朋友 唔怪得香港電影會沒落。

不如試下好好享受啦
片尾音樂係有緩衝作用 同你入放映院走廊一樣
佢會帶你回味成套電影 然後寫個句號
即係 其實呢個緩衝
都係電影想你接收到既一部份
又正如做運動唔可以一下咁慢落黎既道理

已經唔係要求各位睇戲個時拍手乜乜乜
作為半個不專業既電影學生
拍手係鼓勵 係感激
自從睇晒三日FYP既screening之後 我發現
就算幾爛既片都好 都會有人拍手
呢個係專重 係基本睇戲應有既態度

好老實 你入戲院比既係六十蚊
但一套電影往往支出比你想像大好多
聽人講票房一千萬乜乜乜勁收 但
製作個時 同請演員
作為大啲project既港產片大約係一千萬
條數只係岩岩好夠埋單 有賺已經係偷笑

可能你又會問 咁辛苦重做黎做乜
其實都只係為左實現一個夢
然後 想作為觀眾既你地
好好睇一個由電影工作者砌成既 完整既夢
或者一個訊息 一個畫面 一條聲軌
都係佢地給予意義 又或者
想單純比你知道佢地發過咁既夢

所以 唔該 都煩請各位
欣賞完幕前演出之後
專重一下幕後人員 睇埋佢地既名
電影出到世 係因為有一班幕後人員
幕後辛酸 四個字肯定係硬食
但希望辛酸之餘 都會得到各位用五到十分鐘
睇住佢地既名 由下而上咁走過
音樂淡出 然後講你知 劇終。

片尾roller當有過自己的名字，那單單幾秒名字雖然真的在別人眼中微不足道甚至沒人認識你記住你的名字，但在背後花了多少心血多少時間時，製作過便很清楚，即使片評論是好片還是爛片都應尊重一下背後製作人員。不過依香港這地方當然想一出roller便開燈趕人走，因為一個字"錢"
take it easy...享受你追夢的過程
（利申有參與電影製作拍攝期及後期