我唔想用我人生嘅每分每秒來幫你做任何一樣野lor,見到你地d樣、言行假到死，我真好想星巴你，一係你直接講啦，兜咩姐？又話我肯定係懶散，書店先cut我更，你係個度做？咁清楚嘅？全世界pt都俾佢cut更啦，就剩係我因為懶散所以俾佢cut?人地書店係有個新金限額先要cut 更咋，你又知d咩？

我未過來呢度做，我係書店係其中返得最多嘅人lor,請問邊忽懶散？我同你講我要返學，注重返學業，你又係話我唔識分配時間，想懶先唔返工，做學生注重學業又錯？係都要將人逼埋角先安落，我話你知，物極必反，我唔知我之後會唔會有一日忍唔住做左d咩，唔好怪我 。

最過份係已經要等5個月，仲要賠錢，逼住我要等約滿，我相信呢一年會係我人生入面嘅一個黑點，而家無啦？逼住我等，等等等！等下睇你幾時執笠！！！然後最嬲係，居然同個reception講而家越來越少學生係因為我做野求其，係你就炒我啦！等咩姐？！d學生走都唔係我入到來之後嘅事啦！咁都可以懶？

不如你話我放左個屁，所以香港空氣污濁，明明你地自己成日要學生買野，佢地嫌貴先唔學，你不如真係去問下個家長點解唔俾個學生學？自己原因懶我？d學生都問點解要成日買野，我可以點答呀？你地口中就話學新物料，畫來畫去咪又係個樣，唔通我又話你知d學生話d畫稿好樣衰？你地咪又係自我感覺良好，話佢無眼光，果然同類相吸，衰都衰埋一堆！走左之後，絕對唔想再同你地有關係！！！

好彩嘅係我身邊仲有d好人係同我同一陣線，如果唔係，真係會變行屍走肉

fannyhyy: 今日may姐先睇完堂