太慘了吧

垃圾山，這次在垃圾有些驚險，因為一早在當地政府申請了批文，有成幾百人圍住我們，幸好派發完物資之後，我們成功撤退，而我們的米車同物資亦安全運走，沒有被搶。

派米中，一開始我笑住派，每包米5kg，今次派左3000幾人，淨係米數都要萬幾蚊美金，派完第三日，右手幾乎舉唔起，第四日仲有3間學校成1400多人要派，甜蜜的負擔。

派水中，當地大部分人民沒有自來食水，食水1美金1桶，大約好似我地飲水機用O既水咁大枝。所以雖然又重，運送又唔方便，但係每位受助兒童我地至少派一枝水。

======================

下次再去，會去暹粒，聽聞那裡更窮，不過要先儲錢 ，今次我地機構助養左幾個孤兒，供書教學到佢地18歲。我負責送一部單車俾其中一個男仔，等佢可以唔駛每日步行45分鐘先可以返學，期待下次再去探佢。

CLOUDY_BLUE: 你好好

babylon_12: 我覺得自己仲有進步旳空間。今次我係第三次去，每一次我都有唔同o既覺悟，第一次去o既時候，如果有小朋友攞完又攞，或者搶我地o的o野，我會皺眉頭唔鍾意，不過諗深o的，我地帶去o的竹蜻蜓、西瓜波，香港o的小朋友根本唔稀罕，但佢地有好多根本見都未見過，我試過送珍寶珠俾佢地，佢地大部分都唔知珍寶珠係食得o既…

依家o的小朋友問我攞，如果數量足夠，我會俾多一兩份佢，依家只會諗派多左會唔會之後唔夠派，如果夠，基本上佢要我都會俾。

babylon_12:


以上係我地家訪時佢地平日食o既o野，呢o的可以一家六七口食唔止一兩日，所以我地派5公斤米俾一個小朋友，會見到有o的家長教個小朋友排完再排，因為對佢地一個家庭幫助好大。

我地機構宗旨主力幫兒童，所以排隊只係准小朋友排，好多家長同大人眼紅，其實大人唔係唔想幫，而係其實好多大人唔值得幫同埋唔幫得。

好似响垃圾山，我地派物資o既時候，好多大人同家長晌後面想衝上o黎搶我地架米車o的米，响某間學校派物資同米，有成8個警察圍住我地，仲偷偷地攞左幾箱我地留俾學校o既玩具、文具同收我地保護費。聲明：真係警察，著制服，有證件。所以對比之下，香港警察其實都好好。

我地去家訪，有個爸爸好年輕，30多歲，有手有腳，踢左3個仔離鄉背井去暹粒打工，佢自己日日寧願去乞食都唔做野唔返工，根本養唔到，仲不斷咁生。

大人已經好難再教育，我地希望教好依家呢班小朋友，提供多o的支援，首先有得食，然後係教育，俾多o的物資在學兒童同學校，咁將來佢地國家先有可能有好o既改變。

好慘…，你地真係好好，身體力行，佢地搶野唔會傷害你地人員嘛？？

babylon_12: 其實今次去垃圾山真係差o的返唔到o黎，好驚險，因為唔係第一次去，諗唔到人係會變質，派一次兩次o的人就貪心左同理所當然左，幾百個大人圍住我地，好多仲揸住個勾垃圾o既勾，只要勾爆我地架車條呔，我地都死梗，走左先識得驚。

反而離市區愈遠o的人會純樸o的，今次再去幾間學校大部分都好開心。

物質生活太豐盛，就會不知足…反而物質生活不高，更會知足常樂…

有空比較就會有慾望呢...

由冇變有就開始貪更多想得到更多...好可怕,你地機構有安全指引嗎? (或者為人員安全著想既保障?)

babylon_12: 有買保險，亦有當地義工同翻譯跟住我地，不過今次我地咁危險係因為我地一早申請左許可證話要入垃圾山，其實上兩次都有申請，但上兩次都無批(因為柬埔寨政府唔想俾外國人知道佢地o的有人靠垃圾山維生)，咁我地就入村派，o的人唔知我地會幾時去同埋派果班真係有間高腳屋晌度，真係住晌垃圾山。今次去有許可證，我地入左去垃圾山辦公o既地方，o的職員圍左塊地，圈左我地晌入面，同埋吹雞叫左好多人o黎，所以先咁驚險。

佢地唔知我地幾時會去反而好地地，一早知道就有人混水摸魚，同埋o的大人會教定o的小朋友貪心，好似教佢地搶o野、打尖……

入村派安全o的，但亦有問題，佢地o的係圍住垃圾山起，一來分得好散，二來一水浸就會搬來搬去，要搵有困難，我地去得幾日，當然想做多幾多得幾多，而垃圾山响我地派發名單中算係最差o既地方，亦係預備最多物資o既地方，同時係會多派一包米俾一個家庭(根據高腳屋的戶數)，平日只會派俾小朋友，所以我地先咁積極申請許可證，諗住集中o的、佢地搵我地快過我地搵佢地，點知原來係唔得o架…

今次有經驗，下次再去就知道要注意o既o野，我仍然會繼續去，下次我地打算去暹粒，當地義工話果度仲窮。

你地真係好好...落手落腳去做,辛苦了。