今日冇plan上天下海嘅行程，所以終於可以瞓到自然醒(￣∇￣)，今日我地只係行手作市場都行左成日，係咁行嚟行去格價，睇款，睇色，每個地點都行左2至3次，所以話女人呢種生物買起野上嚟真係唔講得笑

係沙巴基本上度度都可以講價，我今日都講唔少
最搞笑嘅係連賣名牌嘅鋪頭都可以講價呢下勁！我地去就冇去，係聽uncle講，真係想去見識一下

之後夜晚食飯前uncle車我地去左香格里拉酒店度睇日落，竟然比我地睇到雨後嘅雙彩虹！！！真係好好彩，好靚！可惜嘅係落雨啲雲未散，睇唔到太陽落山

但睇到少少都好過冇，希望下次再嚟會睇到！
之後uncle車我地去食海鮮(因為我地本來plan去食)，但原來佢唔食，我地3個勁唔好意思，最後仲要係佢埋單，我地就更加唔好意思TAT

之後我地行下夜市，行到11點左右，我地好癲咁行15分鐘去搵榴槤食，佢地真係好唔話得，咁夜都肯去，當然，佢地都覺一場嚟到點都要食一食

唔食榴槤嘅g小姐都比佢呀妹餵食左一舊仔，聽佢講呢次係佢有生以嚟第3定第4次食榴槤XD，我好榮幸見證到呢個歷史嘅一刻，平均大約每7年至出現嘅時刻簡直可以"比"美某啲自然現象的發生率！

講番個榴槤，我地今次9食嘅品種叫紅蝦，真係唔明點解要整個咁嘅名出嚟＝＝，好似將一隻貓叫阿狗嘅感覺一樣令人費解…但真係好好，不過啲核好大，啲肉相對比較少，不過冇計，我地夜晚個餐食得太飽喇╮(╯_╰)╭

榴槤