係facebook唔方便講，係因為我既friend裡面有大部份係獅子山人+hea做…講出黎根本無人會有反應

而家90~00後俾人插得最勁既，不外乎心散無禮貌蠢英文差無紀律，當時我唔否認呢Ｄ野，呢一班人真係要落足心機去教佢地，唔．緊．要，因為我assume左呢班人係白紙，我對佢地寬容少少係應該既

呢三個月公司多左兩個新人，完全唔係後生仔，個sales就70後，個receptionist仲大Ｄ，同我媽差唔多，佢地兩個先令我匪夷所思

我同事放產假，叫個sales幫手覆email，都可以覆到離鳩晒大譜，問A答B，咁好啦，跟單你唔熟OK，報價係sales要做既野啦okay？拖左成個月都唔撚報，唔識做又唔出聲

我其實出左社會唔算好耐，連埋Ｄ part time job夾埋9年，未撚見過有人係做野做到手頭上所有客都打晒電話出晒email投訴，仲要搞到原本個同事一隻手抱ｂ一隻手做野…都幾難得，我自己手頭上都已經一堆火頭，仲要再加ｄ落黎

好啦，係我地公司新人，唔熟野丫嘛，初時仲好和顏悅色咁同佢檢討原因……點知個答案返黎竟然係「見到你忙咪唔敢騷擾你囉！」屌丫你四張野黎緊係唔係咁蠢？ｄ野拖住成個月唔做，一爆起上黎咪一樣執手尾執到訓低？搵藉口搵好Ｄ丫？

呢件事促成左第一次係FACEBOOK爆鬧一個人，而第二日可能有人通風報信叫個sales醒定Ｄ，佢走黎同我道歉……anyway，已經太遲，多得佢呢堆炸彈，我連續兩個禮拜加班先消化得晒所有野，呢樣都唔係最嬲

最慶一樣野就係呢條仆街一路恥笑大陸廠既同事做野不知所謂，一路做得比佢地更不知所謂，仲要踩埋80後做野差，是可忍孰不可忍，係一個幫佢執蘇州屎既80後面前講80後做野差？傻的嗎？

當下就忍唔住插佢一鑊，之後老細見到都頂唔順我火山爆發，炒人算數……呢條PK都夠頂癮，收到信即刻DEL晒電腦入邊既所有files走人

而個receiptionist…更加唔想講，蠢過隻豬………不過見在態度良好所以留佢係度……

而對住一班小朋友，我覺得自己老左好多

之前同行家傾開，原來好多contact我既assistant merchandiser係好怕我，因為一做錯少少野就插。呢樣野我成個新年假檢討都未領悟到原因…事實上我唔係好覺得我指正佢地錯誤係有問題，但點解turn out會係插緊佢地？

係唔係我要出email講”please make sure the PI amount is correct ~~~~" 先叫做溫和？如果係咁……我唔係好做得出

我自問要求唔高，不求有功但求無過，出事唔緊要，最緊要快快手report叫我拆彈，教埋做野怕善忘，mark calender寫notes，唔通咁簡單既野都叫做harsh？我唔明

次次睇新聞見到班50~70後狂踩小朋友就覺得好唔甘心，因為我自己都係80後，我都係咬住牙一步一步上神檯，但係上到一半望下班新血又好失望，唔好話有無水準，有好多連基本要求都做唔到……除非自己以後打算一腳踢包辦晒manager至office boy既野，如果唔係我就要一直重覆教新人教到嘔血既過程……諗下都覺得頹