事源:今日我男友同我講佢話佢聽晚要去同朋友BBQ...問OK唔OK??果時我就面黑咗啦~~點解呢?
因為佢之前同我講話星期五陪我一齊去上堂,然後陪我一齊返屋企~
咁....確實係佢應承左同你一齊上堂嘛...又真係佢唔岩既
依家佢以為我嬲佢,係因為佢要去BBQ,所以我嬲!暈~~咁小事我都嬲我咪好唔得閒~~運你個大賬~~燚!!!
仲要話我唔坦承~如果每個坦承都係由我既唔開心而來既話,我情願唔要law~~
同埋,佢係唔記得左,定係純粹想徵求你同意佢要去BBQ而失約; 後者既話可以唔洗咁嬲既,起碼佢唔係唔記得左自己講過d咩
佢係徵求我同意可唔可以去bbq既~~如果佢無承諾我既話~~我都唔會阻佢既自由時間.....但佢記得約左我~~佢依家就係想試下我既低線囉~~~睇下可唔可以甩我底囉~~
下?即係佢係記得約左你既情況之下仲想去BBQ???咁抵你黑臉
我最後都叫佢去~~費事俾人覺得我連佢去個bbq都唔俾囉~~但事實上係佢明知約咗我都想甩我底~~哼~~當我好欺負~~下次我放佢飛機時~~我一定會同佢講:「己所不欲,勿施予人!」我呸~~
佢令我難受~~我實會揾次機會俾佢試下囉~~唔係佢唔會知甩人底係咩感覺~~
我諗到一個詞去形容gloria如何育成男友…欲擒故縱…xdd
無話你咁做唔岩喎, 係要比D顏色佢睇下, 因為真係佢有問題在先
我今日面黑左大半日,佢係咁問我做咩姐~做咩要咁對佢~~!!難道我仲要四萬口咁笑咩~~??最後同佢講返問題既根本所在時~~佢仲話我CUTE~~~囧曬~~