係唔係我太重視支莊？定係我唔應該抱太大期望？其實真係好想好想，到我地招下莊，或者係O camp同下年d freshmen傾計o個陣，同佢地講，上莊雖然多咗野做，但係可以識到一班好莊員，一齊做野好開心。更加希望到落莊o個陣，得到嘅唔只係一年嘅回憶，更加有彼此之間緊密的聯繫。

但係而家，少少野就分化咗，無錯係有分歧，亦都因為之前某d野決定得太倉卒o黎唔切同所有人傾(不過傾o黎有乜q用，你地班友都傾唔到個立場)，使唔使咁就玩分化？使唔使連訂隻燒豬跟邊個系會都投票投一餐？平時又唔見你肯做多d野，一到呢d位就唔知做乜，身為3P之一，搞分化而家好好玩？

成莊到而家，諮詢都過埋，計落都四個月啦，一次莊聚都搞唔成，食個飯開個會，約兩個星期都約唔到。無錯我知大家忙，但係都唔係忙成咁掛？搵日食少餐住家飯大家出o黎都唔得？開會開夜少少到8點後都唔得？一講搞莊聚又互相推卸，好啦，唔聚囉，開會得啦掛？放學唔得咪早上囉，人地住將軍澳都未怨，你呢個住咁近嘅有咩立場怨太早？

可能係我太chur啦，好囉我都唔知chur o黎為乜，反正你地都係咁架啦，反正都係唔團結架啦。還掂我都係個文書仔啫，費事做太多又俾位人入啦。不過反正我都係做人地兵架啦，chur死咪chur死囉預咗啦，但係可唔可以唔好太曖昧？我都明知自己無機架啦，但係遲鈍極應該都有個譜掛？可唔可以唔好講埋d令人誤會嘅說話呢？當俾個下台階我好無？

最後都係o個句，我都唔知chur o黎為乜，反正大家都頹，偏偏又話我唔頹得wor哈哈。咁算點？如果我係3P我都有立場去chur啦，而家又當我係咩先

唉，算，我都唔知自己想講咩，吐槽完畢。

明楊有時都會同我講下D莊GE事~~

可能係我地期望太高,真正想做的人卻唔多~~

我聽完你地講,都覺得失望,何妨係你地親身去做~~

可能我地真係將D野想得太完美LA~~

可能受到D電視劇,漫畫,動畫,小說影響掛~

我唔知自己嘅身份定位應該點樣

平常心LA~唔好未開始就打定輸數,但係都唔好有太高期待~~這是我的所得的感受~~

哈哈, 可能真係無期望就無失望啦...不過我真係唔知可以點樣面對D莊員...對住主席, 覺得矛盾而無措, 對住其他莊員，就係悲哀卻又無力

唔好咁SAD LA(抱)

多謝你地(回抱)

你也加油啊~(抱)

我會努力的…