1.玩三四個鐘的遊戲唔可以心急開始，絕對唔可以一邊玩一邊介紹規則（除非你想介紹兩回合之後重新開始）。連規則都未介紹哂的話，頭兩個回合玩錯野，之後兩個鐘會悶到死。

例如一開頭完全無講淺藍色粗線代表不能跨過河，所以我多花了三個回合才能佔領另一個屬地（今次幸好頭幾個回合一直無出現「供給」，否則我應該一早輸了）

又例如Lion(House Lannister紅色)最初好明顯不清楚「徵兵」的方式，所以頭兩個回合幾乎無徵兵，令我(Cyrell綠色)前方完全無壓力，所以可以派兵逐步攻佔後方的屬地

這亦間接導致後期Lion無野好做(因為不停被圍攻+只能支援，沒有實力進攻)

2.我個人而言果然不喜歡攻佔類型的遊戲：我不喜歡不停改變合作對象、要預防別人叛變的遊戲。某些遊戲一開始已經會有「內奸」，我反而覺得無所謂，因為忠的人就做忠的事，奸的人就做奸的事，定位明確，可以考驗大家的演技。

攻佔類型遊戲如果玩所有回合(今天只玩了一半回合)，中期必定出現反叛再反叛的情況，我肯定不會喜歡這個情況……

所以一開始我就同你同盟了~XD

另外我的條線太進取, 一開始不應該北上狹海 (幸好小魚不打我不然...), 應該由黑水灣上岸, 而君臨因為起始沒有研究水桶 (網上說根據初始領地的水桶數目), 所以最後也打不到 (雙王冠耶 A_A

原本support用到嫁, 睇字睇一半唔睇一半的後果~XD

我在jt的exp以及前輩的教悔係講太耐會一世都開始唔到+聽完都唔記得

我覺得 light game 一邊玩一邊教無問題，因為：1. 15-30 分鐘一舖，輸 o左唔服氣咪再玩多次 o羅；2. light game 唔使太精密的佈局(亦無可能)，所以頭兩 round 出錯牌都好，可能後面抽 o既牌影響仲大

但係 heavy game 好難咁玩；你試下頭兩 round 唔徵兵/徵唔到兵，跟住十個回合你都玩唔掂！

我又覺得教game一定係教左主規則先，由粗講到細，特殊情況唔會死人塌樓的話都係玩住學……

佢連隻 game 點打仗都諗住中途再教……

但呢隻係 war game……

有心無力聽晒, 更何況大家都唔熟rule, 反正都錯架啦 XD

不過總結都叫run得smooth

mmtmr: 的確係有少量規則講o左唔記得，但好過唔講、到時先知道…… 要知道行軍打仗，佈陣最重要；佈錯陣打乜鬼……

而且，就係因為係試 game，所以先更加需要一開始講哂規則；大家都唔熟的時候，玩的途中翻查規則又哂時間又易搞錯~~~

當然，「事先講哂規則」唔係 o岩所有 player，但至少肯定 o岩我同小魚（所以尋日我同小魚 o既反應差唔多……）