十五年後喎……

九龍城寨當然已經清拆左啦。

龍城幫係清拆前已經將主力全面遷出城寨，家下雖然無咁好搵，但絕對唔惹少。

至於洛仔，冰室賣返比政府，攞住一筆錢，係油尖旺買左個鋪仔，點知比佢越搞越大，打通幾個鋪位，一家幾口過得非常唔錯。

講起油尖旺又點少得十二少同吉祥哥，自從TIGER叔無做，十二少就升左做龍頭，吉祥當然並做第二把交椅，可想言之，吉祥就有排忙，而十二少就得閒去睇下神功戲，寫意到佢啊。

係啊，仲有個人未講，信義。十五年前有個兄弟想要小朋友，但同老婆努力左咁耐蛋都無隻，鬼咩，佢老婆係個男人黎嘅點生啊，唉，總左就送左比佢地養就係。

諗起都覺得仆街，點解個時會咁做

喂！藍信一，你係唔係聽緊我講野架？

…啊、咩話？講多次啊一時撞聾呀。

玩野啊，我話你上次批貨唔啱數啊。

唔係喎，十二萬七千四百九十三個一，換五萬四千七百八十八零四分一箱，啱數啊。

啱你條命，講好左要五萬四千八十箱，另外個兩箱有腳走左，定你想我拆你生招牌啊，信一。

嗱嗱嗱，正確講黎係一箱又四分三箱，何況我都無講實幫你拎幾多貨。

你……

啪－！［用力開門］

信義：喂死老鬼我返黎喇！哎呀？乜梁俊義你都係到啊？（行入房換衫）

你真係搵錯人睇佢……

唉，我都覺……

信義：返學真係麻煩，死老鬼快啲退位啦。（攤梳化）

唔讀好書小心好似梁俊義咁，連憂鬱個鬱字都唔識寫啊。

咩…咩話…

信義：（望、偷笑）上次個四條數有無自己死返黎？

一個崩都無少，所以呢幾條大數都係你嘅。（用指節輕敲文件示意）

信義：你自己去收啦懶到死。

哎呀，你唔係咁對你老豆嘛……唉，你知我隻手唔好架啦。

信義：……咁叫梁俊義去囉。

我架勢堂架喎｜｜｜

信義：……啊！！麻叉煩！總之最大個筆今日之內收俾你係啦！（攞長皮褸，甩門走）

－－龍城幫門外－－

信義：行啦白毛，又去收數喇。（指電單車）

信義：借梁生架車用住先，佢應該唔會嬲嘅

以諾：（戴眼鏡、放低書）都話我有名叫以諾，何況我好歹係你堂表……（上車）

信義：知你細過我啦，定你想我叫你四眼白毛書生？

Ａ：死靚仔停車，你知唔知呢到邊到啊？

信義：啱啦，晉爺係到架何？

Ａ：晉爺係你可以見架咩，走走走，快過主啦。（不爽）

Ｂ：咪住，呢個咪細藍生，你有事搵晉爺啊？

信義：明知故問，知我搵佢仲唔彈開？

Ｂ：唔好意思，晉爺唔想見你，兄弟上！

信義：等等！小心架車啊！！（話口未完已經花左）……Holyshit，梁生今次一定斬死我|||||

信義：……洗色再上色，打蠟，啊，仲有兩件組件要換……盛惠一萬二千七十五蚊啊！（從背後抽出日本刀）

以諾：咪住啊信義，你輕手啲啊，如果唔係又會比舅父少架啦…｜｜｜

信義：理得佢！得閒諗無謂野，不如快少少幫手打啦！（見人就砍）

以諾：下？我唔得架！小心我件冷衫啊！（左閃右避）嘩！救我啊！！

信義：Are you sure你唔打得？（成張椅車過去）

以諾：（閃開，張椅打中後面班人）你打人定打我啊！？

信義：有殺錯無放過，你唔打得留你係到盞阻手阻腳。

以諾：唔關我事架！小心唔好整到我件冷衫啊

Ｂ：（一隻手捉住以諾）兩個乳臭未乾嘅細路…細藍生你唔想你好兄弟有事，就乖乖地走人啦下。

信義：（斜眼望）OH……睇黎唔洗我出手救佢鳥～（聳肩，繼續砍人）

以諾：頂！大叔……你隻手……（用力握著捉住佢的手臂）我件冷衫英國純羊毛製，更重要佢係白色，仲有……我上個星期一先買架！！（捉起過肩摔，拿起椅爆頭）

信義：七百三十蚊啊（火上添油）

以諾：今次唔比老豆當叉燒咁賣都唔得啦……（困擾中，見人就中兩拳，批肘再過肩摔）

信義：（拍肩）五日十七小時三十四分，好過上次架啦。

以諾：信義，我件冷衫白色架，你可唔可以小心啲……（望信義隻手）

信義：（望地下）算啦，啲人都冧哂咯。

－－晉爺屋內－－

晉爺：傳說中嘅黑白雙殺今日咁俾面大駕光臨啊。（陪笑）

信義：當然，晉爺你條數大啦，再拖睇你賣哂全家上下十三口都唔夠還啊。

晉爺：細藍生，我知道大陸有條水路年中搵唔少架，我過比你，數個方面喎……通融多三日……

信義：聽落真係唔錯。不過呢，水路我照要，錢我同樣照收。放心喎，只要你今晚十一點五十九分五十九秒前，乖乖地成條數連條水路交返去龍城幫，我保證你一條頭毛都唔會少。

晉爺：細藍生你、你點可以咁…！

信義：點解唔可以？晉爺，你條數拖左成年，我啲兄弟就黎無飯食架啦。哎呀，唔記得話你知頭先你啲手下幫你加大左條數，麻煩你磅多一萬二千七十五蚊去架勢堂十二少到。

信義：（望以諾）仲有一千大元去洛哥間冰室。

晉爺：咁…你咁同搶有咩分別！

信義：ＮＯＮＯＮＯ！我只係黎收我條數，收到錢我保證龍城幫嘅人唔會再搞你，至於十二少同以諾砍唔砍你，我就唔知啦。

以諾：（不爽）我可以話定你知我砍硬，你知啦，白色衫好難洗。

信義：（聳肩望晉爺）放心喎，鬼叫我老豆老母……應該係兩個老豆先啱，是旦啦。佢地改我個名做信義，言而有信，義不取容。（遞卡片）你乖乖地就範吧啦。

－－完－－

如果有10個人左右想再看下去的話，我之後再用短篇偶爾出噗吧(thinking)

大家D表情好搞笑www 另外意見希望

我有興趣！！

MUM架車十幾年來都係多災多難

我想睇後續呀WWWWWWW

想睇後續!(舉手

信義好可愛 (?)

後續~（＾◇＾）(敲碗

雖然遲了..但想看後續ar~~~