話說我很喜歡現在的工作, 工作內容跟人事關係都好好, 工作時間也彈性, 但係缺點係人工低, 又唔穩定, 一年一簽, 仲要唔一定有得年年簽。
而家要續約, 但又找到新工作, 新工作不是很容易入職的, 我算是破格錄取, 而家工作環境相對穩定, 薪水也較高, 重點係前景好, 鐵飯碗, 仲年年按年資加薪. 壞處就是工作超重, 壓力也大, 而且係勞心又勞力. 工作內容沒有特別喜歡, 但也不討厭.
賺多點錢得閒去旅行, 買下自己鐘意既野哄自己開心令自己有動力返工. 不過人工高幾多先...唔係高好多既話情願留返舊工, 睇下仲有無其他更好既機會
我會試左先, 試過真係頂唔順先再轉工, 起碼可以用新工既經驗同埋人工去搵過份offer更好自己更鐘意既工
我覺得轉工係一件好正既事, 而且你仲係破格錄取, 證明你真係好適合呢份工, 對我黎講會係有份衝勁, 唔洗被d hea工磨滅自己意志...
其實第一份工係係大學做一個小小的研究/教學助理. 第二份係去做中學老師
小熊爸爸點睇? 如果佢份工係大壓力工時長既, 你就最好穩家好d, 如果唔係兩個都咁長時間睇唔到小熊, 對小熊都唔係咁好, 始終你呢份工時間彈性, 第日小熊返學/唔舒服有咩野你可以照顧到小熊, 易走盞d
我覺得我有有不確定感, 係因為我一直以為我會在大學工作, 直至到我入讀/完成博士學位, 再努力爭取大學教席, 但而家好似同我理想唔同
理想同現實都係比較難共存
小熊爸爸工作也很彈性, 忙時可能要開夜車, 但得閒時可以home office. 但佢希望我有穩定的工作, 一來為買樓, 二來我們想生多個, 佢唔想我再做流浪助理
雖然如果我支持, 他也是會支持我, 但我也一兩年就轉一次工, 30歲時你可以咁做, 40歲呢, 轉都未必有人請你
如果小熊爸爸係彈性工, 我一定會搏份人工高有前途既工, 但教師既話....仲要生多個...我諗我唔轉住, 之後再睇下有無其他新工
我唔知中學教師係點, 但我有朋友係小學教師, 好辛苦架, 辛苦到拍拖都無時間, 星期六日都要返學, 放左工屋企都做學校野. 對我黎講, 教書辛苦過寫字樓工
仲要中學老師無咩假, 依家連暑假都要返學搞活動, 想賺多點錢去旅行散心都唔得
嗯~我也知道教書好辛苦, 但真係好高人工, 我同學教左六年, 而家四萬六
chloeccy@
做老師可以忙到唔得閒生多個架喎...而家做老師真係吃力不討好, 重要睇你教咩科, 咩學校...
我係你就試下先, 反正研究助理呢d位成日都會開, 唔得咪返轉頭再揾
即係話俾多4,000蚊同長約 VS 放棄開心工作同較辛苦既workload...
咩學校都辛苦, Band 1既要谷學生唔可以回落, band 2又要努力追上band 1, band 3打後就更嘔血...
駛唔駛教通識/國民教育科先?
轉新工都好架, 第日可以比小熊讀埋
如果係我..我會繼續做助理
人工高都係因為付出勞力相對變多, 回報率其實差不多
不過如果你依家份舊工係隨時都搵得返而又冇話少左d咩人工既話, 咁去試下新野又冇咩唔好既。
如果好似我咁走左出去唔易返轉頭就算返得返來都會冇左舊錢既就唔好博囉...