【旁白】（時間：晚上九點，地點：冰室之「非誠勿擾」）

……（心情極差，怒睥企喺對面條黑面神）

【黑無常】……你再睥住我，都變唔返藍森俾你喎……

搵唔到？你哋竟然搵唔到！？個山頭有幾大呀？

【黑無常】你又以為嗰度有幾細？佢失蹤咁多日，我就派鬼差搵足咁多日，搵唔到唔係我嘅錯，ok？

（一掌拍爆飯煲蓋）唔係你，仲可以係邊個嘅錯？

【黑無常】你咁緊張做乜？我從來都冇見過你緊張成咁！當初…（皺眉）（心諗：乜輪迴有咁大副作用架！？）

佢係哥哥老死，哥哥又係我恩人，我點都要搵返佢架嘞！佢仲等緊睇個女嫁人架！

【黑無常】……（見到阿柒咁堅決，輕輕嘆咗一口氣）我再盡下人事，不過唔好搞到咁揚，阿大佢…

…點解？你哋就淨係識叫個秘撈去做危險嘢，出事就當佢棄將唔要！？

【黑無常】（大喝）必安！

……你喝乜嘢！我都仲未喝你！

【黑無常】小心講嘢！真係當佢棄將嘅話，早就收哂隊！

但明明嗰日阿大話唔關佢事…

【黑無常】你諗諗啦！諗下佢咩身份，諗下我哋咩身份，最高嗰層壓落嚟，連阿頂都隨時比人革扯呀！

……（頹坐冰室卡位）

【黑無常】仲有，你知唔知，個server喺邊度？（show下部ipad2，輕輕一笑）

其實葛葉係唔係你親戚？（發現話中有話，高深一笑）

【黑無常】（鬆一口氣）總之依家你就望佢時辰未到唉啦

－－－－－－分隔線－－－－－－