【真阿柒】你冇玩殘我間舖吖嘛？（用新形象回歸）

【黑無常】未摺得呀！（擰轉頭望，呆咗）

【真阿柒】（仔細檢查間舖）唔！地牢嗰個出關未？

【黑無常】出咗喇（心諗：少林寺轉咗幫人減肥咩！？）

【真阿柒】咁即係終於可以賣返叉蛋飯！（心諗：食得清咗同運動多咗啫）

【黑無常】咁我可以走啦？

【真阿柒】等等！要唔要繼續留低幫我手？

【黑無常】你記得返以前啲嘢喇！？（心諗：乜少林寺堅成咁！？）

【真阿柒】只得好少好零碎嘅片段…

【黑無常】咁你記唔記得我哋一齊做嘢嗰時嘅事？

【真阿柒】完全唔記得，但我知道我需要你幫我手。

【黑無常】你唔記得你又知道你要我幫手？

【真阿柒】因為５月１號開始行最低工資，我係時候炒咗嗰兩個「貴人」。

【黑無常】……是但啦，以後我再慢慢同你計！（心諗：希望多啲出現喺佢身邊可以令佢快啲記返起以前嘅事…）

【真阿柒】咁依家借兩個鬼差過我用住先

－－－－我是奇怪的分隔線－－－－