見到片頭有好多公司合作, 負面D諗, 我會覺得套片其實係爛尾, 最後夾硬搵人投資完成而已...
其實拳皇已經有個唔錯的故事大綱 唔需要改得咁勁 再者 睇拳皇也不會期望有真實武術的成份吧
屁講得0岩...睇得出陳導演想將真實武術融入科幻人物入面, 之但係對於我地D過期忠實粉絲0黎講, 完全係不倫不類...加上人物選角騎呢, 故事又改到亂哂坑, 就連服裝設計都平庸無味...
再講..若以一個唔知拳皇為何物0既角度去睇, 我又唔知個故事背景, 咩係大蛇, 草薙之劍? 再者, 以宜家荷里活天花亂墜式0既特技, 套戲所用特技鏡頭已經好少好少(基本上連我都做到某幾個分鏡)...
係有三神器的, 不過last用神器封印boss個幕就真係流到爆..
畢竟佢係好罕有地有較為詳細的世界觀同人物設定既格鬥GAME
至於八酒杯嘛...我又唔係好明hollywood點解咁鍾意將龍珠式格鬥加入其他特技片入面...所以可能有出八酒杯吧...但堅唔覺囉...
屁..套戲以平行世界觀去解釋D人物點會有超能力..
最忟0既係..本應君臨天下既大佬Rugal, 竟然要持槍打劫...
而貌似mr. big既角色, 就話佢正職係看更...
其實當日見到做 terry 果個演員 , 大家都心裡有數啦 ....
套戲佢地係現實世界只係普通人...於是Rugal就想像兩個世界融合...
唯一好睇既地方...就係maggie Q都ok索~
如果搵張耀揚做八神~我擔心又會多一套王晶0既"超級學校霸王"啦~