中間開過會做過功課，之前同frd去旅行都係我plan，今次唔係我100%主理好神奇
星期四晚九點收工，返屋企沖涼同最後檢查，意圖瞓覺係失敗既XD
凌晨3點幾爬起身咬少少野食就出門去St. Pancreas，中間同C友係巴士站度會合，去到時都有少少人龍，但去得好快，成個過程簡單到一個點搭火車上廣州咁XD

上車之後我就包實自己瞓得幾多得多，C友坐斜對面努力化妝，我隔離坐咗個好勤力做野歐洲男士，好靜無點郁非常好，我個位一抬頭就會對正一個好幽助feel既男仔，幾有style仲長腿Timberland，我醒個陣會欣賞下佢（喂

兩個半鐘後到咗傳說中有尿味既巴黎北站！還好我有少少傷風聞唔到XD
天氣比之前睇既好，係凍囉w

時間尚早又要喺apps度買飛，索性去麵包舖咬個pain au chocolat，我嚟個有nuts同榛子醬，雖然無蛋白質但好食又唔貴，先3.5歐？當年喺Borough Market賣包都唔止仲無咁好食

搖巴士去luggage storage遇到第一個問題：網站寫佢收11點，C友見到門口寫8點半，一問之下… Well歐洲人做野what can you expect
Anyway，唔想俾佢搞壞心情，野照放低，拎起隻娃就去海軍府啦，點知入到門口就話娃袋太長唔俾入 最好笑係工作人員話我得但C友唔得，因為我全身黑，佢睇唔到我個袋一樣長www
我地內心xyz，只好轉戰最近既橘園

然而我都有心理準備唔俾娃/娃袋入 — 歐洲好似好開明，實際上佢地唔熟悉既野一樣只會reject了事 — 我直接拎咗師匠出嚟俾橘園館長睇，佢求其望咗眼就話唔得，又anyway，我嚟旅行唔想俾佢地影響心情，就好爽快地放低啲袋入去睇名畫

睇莫內之前係畢加索既畫，Art肥佬既我睇唔明，係嚟幾個雕塑有啲印象，今天只有殘留的軀殼貓非常地反映到我當時既精神既狀態（？）

人手像素畫（？）

最鐘意啲貓唔貓（？？）

謎之神獸頭（？？？）